ساۋىردە ساتىپ الۋ-ساتۋ بويىنشا 31 445 مامىلە تىركەلگەن
ۇلتتىق ستاتيستيكا بيۋروسىنىڭ مالىمەتىنشە، ءبىر ايدىڭ ىشىندە (ساۋىردەن ناۋرىزعا دەيىنگى ارالىقتا) تۇرعىن ءۇي نارىعىندا باعانىڭ تومەندەۋى بارلىق سەگمەنتتە بايقالدى. اتاپ ايتقاندا، جاڭا تۇرعىن ءۇيدى ساتۋ باعاسى 0،6%، قولدانىستاعى پاتەرلەردى قايتا ساتۋ 1،5% تومەندەدى، دەپ حابارلايدى Almaty-akshamy.kz.
اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا ساۋىردە 0،5% ارزاندادى.
بۇل رەتتە، ساۋىردە تۇرعىن ءۇيدى ساتىپ الۋ-ساتۋ مامىلەلەرىنىڭ سانى ءوستى. 2023 جىلعى ساۋىردە ساتىپ الۋ-ساتۋ بويىنشا 31 445 مامىلە تىركەلگەن، ونىڭ ىشىندە جەكە ۇيلەر بويىنشا 8 096 جانە پاتەرلەر بويىنشا 23 349 مامىلە جاسالدى.
2023 جىلدىڭ ناۋرىزىمەن سالىستىرعاندا (24 273) تۇرعىن ءۇيدى ساتىپ الۋ-ساتۋ مامىلەلەرىنىڭ سانى 29،5%-عا ءوستى.
مامىلەلەر سانى بويىنشا الماتى (5 559 – 17،7%) جانە استانا (4 772 – 15،2%) قالالارى كوش باسىندا. مامىلەلەر سانى ۇلىتاۋ وبلىسىندا ەڭ از – 342 بىرلىك (1،1%).
2023 جىلدىڭ ناۋرىز ايىمەن سالىستىرعاندا ساۋىردە ەڭ كوپ ءوسىم قوستاناي (46،2%-عا)، ماڭعىستاۋ (45،5%-عا) جانە اقتوبە وبلىستارىندا (45،2%-عا) تىركەلدى. سونىمەن قاتار، وڭ كورسەتكىش ەلىمىزدىڭ بارلىق ايماعىندا بايقالدى.
2023 جىلدىڭ ناۋرىزىمەن سالىستىرعاندا، كوپپاتەرلى ۇيلەردەگى تۇرعىن ءۇي مامىلەلەرىنىڭ سانى 29،7%-عا (5 351 مامىلەگە) ءوستى. ءساۋىر ايىندا پاتەرلەر بويىنشا بارلىعى 23 349 مامىلە جاسالدى، بۇل مامىلەلەردىڭ جالپى سانىنىڭ 74،3%-ى.
ستاتيستيكا ماماندارىنىڭ باعامىنشا، بولمەلەر سانى بويىنشا 2 بولمەلى پاتەرلەر ساتىلىمى باسىم بولدى، ءساۋىر ايىندا ولاردىڭ 8 830-ى رەسىمدەلدى. ساۋدانىڭ نەگىزگى ۇلەسى الماتى جانە استانا قالالارىنا (41،2%) تيەسىلى.
2023 جىلدىڭ ناۋرىز ايىمەن سالىستىرعاندا، جەكە تۇرعىن ۇيلەر بويىنشا مامىلەلەر سانى 29%-عا (1 821 مامىلەگە) ءوسىپ، 8 096-نى قۇرادى. ءوسىم بارلىق ايماق بويىنشا تىركەلدى، ساندىق ماندە ەڭ ۇلكەن ءوسىم الماتى (+248 مامىلە)، ماڭعىستاۋ (+142 مامىلە) وبلىستارىندا جانە شىمكەنت (+131 مامىلە) قالاسىندا بايقالدى.
2023 جىلدىڭ ساۋىرىندە تۇرعىن ءۇيدى ساتىپ الۋ-ساتۋ مامىلەلەرى بىلتىرعى ءتيىستى ايىمەن سالىستىرعاندا 40،1%-عا ازايعان، ول كەزدە 52 520 مامىلە رەسىمدەلگەن بولاتىن.
تومەندەۋدىڭ ەڭ ۇلكەن كورسەتكىشى قاراعاندى وبلىسىندا (-68،2%-عا) بايقالدى.
سونىمەن قاتار، تەرىس كورسەتكىش ەلىمىزدىڭ بارلىق ايماعىندا تىركەلدى.
2023 جىلى ءقاڭتار-ساۋىر ايلارىنداعى مامىلەلەر سانى 2022 جىلدىڭ قاڭتار-ساۋىرمەن سالىستىرعاندا دا تەرىس ديناميكا كورسەتتى – -48%.