قازاقستاندا ۇن باعاسى ءبىر ايدا 8 پايىزعا قىمباتتادى
2022 جىلدىڭ ءقاڭتار-ساۋىر ايلارىندا ەلىمىزدە ءداندى داقىلداردان 1،2 ملن توننا ۇن وندىرىگەن. بۇل وتكەن جىلمەن سالىستىرعاندا 4،6%-عا ارتىق، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
وڭىرلەر ىشىندە ءداستۇرلى تۇردە ەڭ كوپ ۇن قوستاناي وبلىسىندا ءوندىرىلدى. وندا 399،9 مىڭ توننا، جىلدىق ءوسىم 10،8%-دى قۇراعان. ۇزدىك "ۇشتىككە" سونداي-اق سولتۇستىك قازاقستان (118 مىڭ توننا، جىلدىق ءوسىم 25،2%) جانە قاراعاندى (96،2 مىڭ توننا، -4،4%) وبلىستارى كىردى.
جالپى، 2021 جىلدىڭ قاڭتار-جەلتوقسانىندا ءوندىرىس 6،9%-عا، 3،1 ملن تونناعا دەيىن تومەندەدى. قازاقستان ەل ىشىندەگى قاجەتتىلىكتەرىن تولىعىمەن قامتاماسىز ەتۋدە. وسىلايشا، ءبىرىنشى توقساننىڭ قورىتىندىسى بويىنشا جەرگىلىكتى كومپانيالار سۇرانىستى (ىشكى نارىقتاعى ساتۋدى قوسقاندا ەكسپورتتى) 99،5%-عا قامتاماسىز ەتتى.
جالپى يمپورت 23،9%-عا وسكەن، ءبىراق بۇل وسى كەزەڭدە ەلدە وندىرىلگەنى 4،1 مىڭ توننا عانا. ال، 467،8 مىڭ توننا ۇن ەكسپورتتالدى. بۇل وتكەن جىلمەن سالىستىرعاندا 36،4 پايىزعا ارتىق. ەكسپورتتىڭ ۇلەسى رەسۋرستاردىڭ 56،2%-ىن قۇرادى. 2022 جىلدىڭ قاڭتار-ناۋرىز ايلارىندا ۇن ەكسپورتى ءبىر جىلدا بىردەن 78،2%-عا ءوسىپ، 172،8 ملن اقش دوللارىن قۇرادى. تمد ەلدەرىنە 126 مىڭ توننا ۇن جونەلتىلگەن. بۇل وتكەن جىلمەن سالىستىرعاندا 23،8% ارتىق.
مۇندا ەل ءونىمىنىڭ نەگىزگى يمپورتتاۋشىسى – وزبەكستان. ۇزدىك «ۇشتىككە» سونداي-اق تۇركىمەنستان جانە رەسەي كىردى. تمد-دان تىس ەلدەرگە 132،4 ملن اقش دوللارى سوماسىنا 341،9 مىڭ توننا ۇن جونەلتىلگەن. مۇندا نەگىزگى كولەمدى اۋعانستان يمپورتتايدى.