جەتىسۋ اۋدانىندا ارىق جۇيەلەرى جوندەلەدى

بۇل - اۋدان تۇرعىندارىمەن كەزدەسۋگە كەلگەن مەگاپوليس باسشىسىنىڭ ءسوزى.

اكىمنىڭ ايتۋىنشا، جىل سوڭىنا دەيىن 7 مەكەنجاي بويىنشا ارىق جۇيەسىن جوندەۋ جەدەل اياقتالادى، دەپ حابارلايدى Almaty-akshamy.kz

قالانىڭ تومەنگى بولىگىندە ورنالاسۋىنا بايلانىستى اۋداندا سۋ باسۋ ءجيى بولىپ تۇرادى. وسىعان بايلانىستى جىل سوڭىنا دەيىن 7 مەكەنجاي بويىنشا ارىق جۇيەسىن جوندەۋ جەدەل اياقتالادى.

«ولاردىڭ ىشىندە رىسقۇلوۆ داڭعىلى، رايىمبەك داڭعىلى، الماتى-2 ۆوكزالى جانە ت.ب. رايىمبەك داڭعىلىنداعى سۋ بۇرۋ كوللەكتورى قالپىنا كەلتىرىلەدى. بۇل مەگاپوليستىڭ جوعارعى جاعىنان جاڭبىر اعىنىن ازايتادى. تولىق شەشۋ ءۇشىن ۇزىندىعى 26،5 كم 27 كوشە بويىنشا ارىق جەلىلەرى مەن كوللەكتورلاردى سالۋ جانە رەكونسترۋكسيالاۋ بويىنشا جوبالاۋ-سمەتالىق قۇجاتتاما ازىرلەندى. اۋدان اكىمدىگى ۇزىندىعى 4،3 كم 27 ۋچاسكە بويىنشا ارىقتاردى اعىمداعى جوندەۋدى جوسپارلاپ وتىر. "اينابۇلاق-1، 2، 3، 4"، "كوكجيەك" پەن "قۇلاگەر" شاعىناۋداندارىنداعى جانە بريۋسوۆ، جانسۇگىروۆ كوشەلەرىنىڭ ارىقتارىن  جوندەۋ قاراستىرىلعان»، - دەدى ەربولات دوسايەۆ.