نەكە سانىنىڭ ازايۋى قازاقستاننىڭ بارلىق وڭىرىندە تىركەلدى، دەپ حابارلايدى aqshamnews.kz
2025 جىلدىڭ قاڭتار-ناۋرىز ايلارىندا ەلدە شامامەن 22،5 مىڭ نەكە تىركەلدى. بۇل وتكەن جىلدىڭ وسى كەزەڭىمەن سالىستىرعاندا 4،3 مىڭعا (نەمەسە 16%-عا) از.
بۇل – 2014 جىلدان بەرگى كەز كەلگەن توقسان ىشىندەگى ەڭ تومەنگى ناتيجە. تەك كوروناۆيرۋس شەكتەۋلەرى اسەر ەتكەن 2020 جىلدىڭ II توقسانى عانا ودان دا تومەن كورسەتكىشكە يە بولعان (سول كەزدە 16،6 مىڭ عانا نەكە تىركەلگەن).
نەكە سانىنىڭ ازايۋى قازاقستاننىڭ بارلىق وڭىرىندە تىركەلدى. الايدا بۇل تومەندەۋگە ەڭ كوپ ىقپال ەتكەن ەكى ءوڭىر –
تۇركىستان وبلىسى: كورسەتكىش 19%-عا قىسقاردى
الماتى قالاسى: 21%-عا تومەندەدى
نەكە جيىلىگىن سيپاتتايتىن جالپى كوەففيسيەنت (1000 ادامعا شاققاندا) دا بارلىق وڭىردە تومەندەدى. 2025 جىلدىڭ العاشقى ءۇش ايىندا ەل بويىنشا بۇل كورسەتكىش 4،47 بولدى، ال بىلتىر ءدال وسى كەزەڭدە 5،33 ەدى.
ەڭ تومەن كوەففيسيەنت — باتىس قازاقستان وبلىسىندا (3،72)
ەڭ جوعارى — الماتى وبلىسىندا (5،26)