الماتى قالالىق كارديولوگيالىق ورتالىعىندا ەرەكشە وپەراسيا جاسالدى: كارديوحيرۋرگتار جاس ايەلدىڭ ومىرىنە ءقاۋىپ توندىرگەن ميكسومانى — سيرەك كەزدەسەتىن قاتەرسىز ىسىكتى — ءساتتى الىپ تاستادى.
پاسيەنت ورتالىققا ەنتىگۋ مەن اۋا جەتىسپەۋشىلىگىنە شاعىمدانىپ ءتۇستى. ەحوكارديوگرافيا ناتيجەسىندە سول جاق جۇرەكشەدە كولەمى 6×4 سم بولاتىن ميكسوما انىقتالعان - مۇنداي ىسىكتى دارى-دارمەكپەن ەمدەۋ مۇمكىن ەمەس، شۇعىل وپەراسيا جاساۋ قاجەت بولدى.
حيرۋرگيالىق ارالاسۋ ءساتتى ءوتتى. ىسىك تولىق الىنىپ، جۇرەكىشىلىك قاناينالىم قالپىنا كەلتىرىلدى. كەلەسى كۇنى پاسيەنت ەشقانداي سيمپتومدارسىز جۇرە باستادى، ال كوپ ۇزاماي ۇيىنە شىعارىلدى.
«مۇنداي جاعدايلار دەر كەزىندەگى دياگنوستيكا مەن بىلىكتى مەديسينالىق كومەكتىڭ قانشالىقتى ماڭىزدى ەكەنىن ەسكەرتەدى. جاس ايەل تولىققاندى ءومىر ءسۇرۋ ءۇشىن ەكىنشى مۇمكىندىككە يە بولدى — بۇل ءبىز ءۇشىن زور ماراپات»، — دەپ اتاپ ءوتتى ورتالىق دارىگەرلەرى.