ەلىمىزدە كوكونىس باعاسىن تومەندەتۋگە ۋادە بەرىلدى

تاۋار ينتەرۆەنسيالارىنىڭ ۇزاقتىعى – اقپاننان ساۋىرگە دەيىن.

نەگىزگى شارتتاردىڭ ءبىرى – بولشەك ساۋدا باعاسى قول قويىلعان كەلىسىمشارتتار شەڭبەرىندە بولۋى كەرەك، دەپ حابارلايدى Almaty-akshamy.kz.

2023 جىلعى 8 اقپاندا پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى سەرىك ءجۇمانعاريننىڭ توراعالىعىمەن وتكەن جەدەل كەڭەستە اكىمدىكتەرگە الەۋمەتتىك ماڭىزى بار كوكونىس قورلارىنا بروندى الىپ تاستاۋ سحەماسى ۇسىنىلدى.

رrimeminister.kz سايتىندا اتاپ وتىلگەندەي، وسى اپتادا وڭىرلەردە پرەمەر-مينيستردىڭ تاپسىرماسىن ورىنداۋ اياسىندا الەۋمەتتىك-كاسىپكەرلىك كورپوراسيالاردىڭ رەزەرۆتەرىنەن الەۋمەتتىك ماڭىزى بار كوكونىستەردى برونداۋ باستالادى.

ساۋدا جانە ينتەگراسيا ءبىرىنشى ۆيسە-مينيسترى ارمان شاققالييەۆ ايتقانداي، وسى اپتادا وڭىرلىك كوميسسيالار، ءبىرىنشى كەزەكتە پيازعا، ودان كەيىن ءسابىز، كارتوپ، قىرىققابات بويىنشا، كولەمدەرىن، باعاسىن، شارتتارى مەن ساۋدا نۇكتەلەرىن ايقىنداي وتىرىپ، تاۋارلىق ينتەرۆەنسيالاردى وتكىزۋ تۋرالى شەشىم قابىلداۋى ءتيىس. باقىلاۋ-كاسسالىق اپپاراتتاردى پايدالانۋ مىندەتتى بولۋى قاجەت.

تاۋار ينتەرۆەنسيالارىنىڭ ۇزاقتىعى – اقپاننان ساۋىرگە دەيىن. نەگىزگى شارتتاردىڭ ءبىرى – بولشەك ساۋدا باعاسى قول قويىلعان كەلىسىم-شارتتار شەڭبەرىندە بولۋى كەرەك.

اۋىل شارۋاشىلىعى ۆيسە-مينيسترى باعلان بەكباۋوۆ جاريالاعان اكىمدىكتەردىڭ ناقتىلانعان دەرەكتەرىنە سايكەس، ەل بويىنشا پياز قورىنىڭ دەڭگەيى 130%، كارتوپ 118%، ءسابىز 103%، قىرىققابات 74%-دى قۇرايدى.

اۋىل شارۋاشىلىعى مينيسترلىگى وڭىرلەرگە ساتىپ الۋ ءۇشىن ۇسىنعان قورلاردىڭ دەڭگەيى ماۋسىمارالىق قاجەتتىلىكتەن ەسەپتەلگەنىن اتاپ ءوتۋ ماڭىزدى، بۇل قالا حالقىنىڭ 4 ايلىق تۇتىنۋىنىڭ 30%-ىن قۇرايدى. وسىلايشا، ايماقتار كوكونىستەردىڭ قورلارىن برونداۋدى باستاي الادى.

«پرەمەر-مينيستر نەگىزگى ازىق-تۇلىك باعاسىنا قاتىستى جاعدايدى تۇراقتاندىرۋ جونىندە ناقتى تاپسىرما بەردى. ۇكىمەتتىڭ ۇسىنىستارى بار، ەڭ باستىسى – ءتارتىپ پەن ورىنداۋ تالاپ ەتىلۋدە. قىرىققابات بويىنشا ءوز قورلارىن ءالى قامتاماسىز ەتپەگەن ايماقتار ءۇشىن قىرعىزستاندا ارزان باعامەن كەلىسىمشارت جاساۋدى ۇسىنامىن، ءبىز “Qaztrade” اق ارقىلى قولداۋ كورسەتە الامىز. وسى ۋاقىتتا كوكونىس قورلارىن برونداۋدى دەرەۋ باستاڭىزدار»، — دەدى ساۋدا جانە ينتەگراسيا ءمينيسترى سەرىك جۇمانعارين.