بيىل مۇنداي ورتالىقتار 4 مىڭعا جۋىق ادامعا كومەك كورسەتكەن
زارداپ شەككەندەرگە ارناۋلى الەۋمەتتىك قىزمەت 6 ايعا دەيىنگى مەرزىمدە كورسەتىلەدى، دەپ حابارلايدى Almaty-akshamy.kz.
ەلىمىزدە تۇرمىستىق زورلىق-زومبىلىق قۇرباندارىنا ارناۋلى الەۋمەتتىك قىزمەتتەردى 41 داعدارىس ورتالىعى كورسەتەدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ۇكىمەت وتىرىسىندا ايتتى.
«داعدارىس ورتالىقتارى 18 وڭىردە جۇمىس ىستەيدى. الماتى جانە اباي وبلىستارىندا ازىرشە مۇنداي ورتالىقتار جوق، سوندىقتان بۇل وڭىرلەردە ولاردى قۇرۋ جۇمىستارىن جۇرگىزۋ قاجەت. بيىلدان باستاپ ورتالىقتاردى ۇستاۋ جەرگىلىكتى بيۋدجەت قاراجاتىنان جۇزەگە اسىرىلادى»، – دەدى تامارا دۇيسەنوۆا.
مينيستر مالىمەتىنشە، مۇنداي ورتالىقتاردا زارداپ شەككەندەرگە ارناۋلى الەۋمەتتىك قىزمەت 6 ايعا دەيىنگى مەرزىمدە كورسەتىلەدى.
وسى ۋاقىتقا دەيىن ورتالىقتار 3 مىڭ 975 ادامدى قامتىدى.