تەرگەۋ بارىسىندا قىلمىسكەرلەر قاماۋعا الىندى.
الماتىدا Mazda كولىكتەرىن ۇرلاپ جۇرگەندەر ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى وبلىسى قاراساي اۋدانىنىڭ ءۇش تۇرعىنى 9 كولىك ۇرلىعىنا قاتىستى دەگەن كۇدىكپەن ۇستالدى.
«قازىرگى ۋاقىتتا انىقتالعانداي، 23 جاستاعى قاراقالپاقستان تۋماسى مەن ونىڭ 22 جانە 28 جاستاعى ەكى سىبايلاسىنىڭ موينىندا كولىك ۇرلاۋ بويىنشا 9 دەرەك بار. ۇشتىك Mazda اۆتوكولىكتەرىن ۇرلاۋعا ماماندانعان. كولىك ۇرلاعانداردى اشكەرەلەۋ جانە ۇستاۋ ءىس-شاراسىن پاترۋلدىك پوليسيا پولكىنىڭ قىزمەتكەرلەرىمەن بىرلەسىپ جۇرگىزدىك. جەدەل ىزدەستىرۋ ءىس-شارالارى بارىسىندا كۇدىكتىلەر 23 جاستاعى يا.ەسىمدى ازامات، ونىڭ سىبايلاسى 22 جاستاعى تۋعان ك.ەسىمدى ازامات جانە ۇرلانعان كولىكتەردى ساتىپ الۋشى 28 جاستاعى د.ەسىمدى ازامات ۇستالدى. ولار بۇرىن سوتتالماعان. ءوز كىنالارىن بىردەن مويىندادى. تەرگەۋ ءىس-شارالارى بارىسىندا 4 كولىك تابىلدى، ولار ايعاقتى زات رەتىندە قىلمىستىق ىسكە قوسىلدى، ال قالعاندارى قايتا ساتىلعان نەمەسە قوسالقى بولشەكتەرگە بولشەكتەلگەن»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ۇرلانعان كولىكتەردىڭ تۇرعان جەرىن انىقتاۋ بويىنشا ىزدەستىرۋ شارالارى جۇرگىزىلۋدە. تەرگەۋ بارىسىندا قىلمىسكەرلەر قاماۋعا الىندى.