ۋنيۆەرسيتەت جەزقازعان قالاسىندا اشىلادى.
ق ر عىلىم جانە جوعارى ءبىلىم مينيسترلىگى "ۇلىتاۋ تەحنيكالىق ۋنيۆەرسيتەتى" كوممەرسيالىق ەمەس اكسيونەرلىك قوعامىن قۇرۋ تۋرالى ۇكىمەت قاۋلىسىنىڭ جوباسىن ازىرلەدى، دەپ حابارلايدى Almaty-akshamy.kz
"مەملەكەتتىڭ جارعىلىق كاپيتالىنا ءجۇز پايىز قاتىسۋىمەن "ۇلىتاۋ تەحنيكالىق ۋنيۆەرسيتەتى" كوممەرسيالىق ەمەس اكسيونەرلىك قوعامى قۇرىلسىن"، - دەلىنگەن قۇجاتتا.
ق ر عىلىم جانە جوعارى ءبىلىم مينيسترلىگىنە 2023 جىلعا ارنالعان رەسپۋبليكالىق بيۋدجەتتە شۇعىل شىعىندارعا كوزدەلگەن قازاقستان رەسپۋبليكاسى ۇكىمەتىنىڭ رەزەرۆىنەن قۇرىلاتىن اتالعان اكسيونەرلىك قوعامعا جارعىلىق كاپيتالىن قالىپتاستىرۋ ءۇشىن 500 000 000 (بەس ءجۇز ميلليون) تەڭگە ءبولىنسىن.
"ونىڭ قىزمەتىنىڭ نەگىزگى ءمانى تەحنيكالىق جانە كاسىپتىك، ورتا بىلىمنەن كەيىنگى، جوعارى جانە (نەمەسە) جوعارى وقۋ ورنىنان كەيىنگى، قوسىمشا ءبىلىم بەرۋ سالاسىندا ءبىلىم بەرۋ قىزمەتتەرىن ۇسىنۋ بولىپ ايقىندالسىن"، - دەلىنەدى قۇجاتتا.
قۇجات قوعامدىق تالقى ءۇشىن "اشىق نقا" سايتىنا 19 ماۋسىمعا دەيىن ورنالاستىرىلعان.