ءۇش ادام 4 ميلليون تەڭگەگە جۋىق شىعىنعا ۇشىرادى
قما سولتۇستىك قازاقستان وبلىسى بويىنشا دەپارتامەنتى «HERMES LTD» قارجى پيراميداسىنىڭ قىزمەتىن ۇيىمداستىرۋ فاكتىسىن انىقتادى. بۇل تۋرالى Almaty-akshamy.kz ۆەدومستۆونىڭ باسپا ءسوز قىزمەتىنە سىلتەمە جاساپ حابارلايدى.
2019-2022 جىلدار ارالىعىندا «HERMES LTD» جوبالارى اياسىنداعى ينۆەستيسيالىق دەپوزيتتەر بويىنشا قاتىسۋشىلاردى باسقالاردىڭ جارنالارى ەسەبىنەن بايىتۋ نەگىزىندە حالىق قاراجاتىن تارتۋ ارقىلى قارجىلىق پيراميدا ۇيىمداستىرىلدى. وسىلايشا، ولار قارجى پيراميداسىنا اكتيۆتەردى تارتۋدى قامتاماسىز ەتتى.
«قىلمىستىق ءىس بويىنشا ءۇش جابىرلەنۋشى تانىلدى، ولار جالپى سوماسى 4 ميلليون تەڭگەگە جۋىق شىعىنعا ۇشىرادى. قازىرگى ۋاقىتتا تەرگەۋ امالدارى جۇرگىزىلۋدە. ەگەر ءسىز نەمەسە ءسىزدىڭ دوستارىڭىز بەن تۋىستارىڭىز قارجى پيراميداسىنا تارتىلعان بولسا، قارجىلىق مونيتورينگى اگەنتتىگىنىڭ سەنىم تەلەفونىنا نەمەسە اۋماقتىق قارجىلىق مونيتورينگ ورگاندارىنا حابارلاسىڭىز»، - دەلىنگەن ۆەدومستۆو حابارلاماسىندا.