ەكى كولىكتە دە ءبىر ءنومىر بولعان
پوليسەيلەردىڭ نازارىنا Nissan جانە Toyota Alphard كولىكتەرى ىلىكتى. ەڭ قىزىعى – ەكى كولىكتە دە ءبىر ءنومىر جانە بىردەي كولىكتى تىركەۋ كۋالىگى بولعان، دەپ حابارلايدى Almaty-akshamy.kz.
«ەكى شەتەلدىك كولىك تە ارمەنيا رەسپۋبليكاسىندا تىركەلگەن. ولاردى جەرلەستەرىمىز باسقارادى. بەلگىلى بولعانداي، شاعىن اۆتوبۋس جۇرگىزۋشىسى، قىزىلوردا وبلىسى، جاڭاقورعان اۋدانىنا جولاۋشى تاسىمالداۋمەن اينالىسادى. ول كولىكتى بىرنەشە اي بۇرىن باتىس قازاقستاندا ساتىپ العانىن ايتادى. بۇل دەرەك اۋەزوۆ اۋداندىق پوليسيا باسقارماسىندا تىركەلگەن. ول بويىنشا سوتقا دەيىنگى تەرگەۋ جۇرگىزىلىپ، ءتيىستى ساراپتامالار تاعايىندالىپ، ناتيجەسىندە اتالعان كولىك جۇرگىزۋشىلەرىنىڭ قايسىسى “جالعان” ءنومىردى پايدالانعانى بەلگىلى بولادى، ودان ءارى ق ر زاڭناماسىنا سايكەس شارالار قابىلداناتىن بولادى»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.
كولىك قۇرالدارى مامانداندىرىلعان ايىپپۇل تۇراعىنا ورنالاستىرىلدى.