سونىمەن قاتار بۇل سالاداعى ءوندىرىس تە تومەندەگەن.
قازاقستاندا ءسۇت قىمباتتادى، دەپ حابارلايدى Almaty-akshamy.kz
2022 جىلدىڭ ماۋسىم ايىندا ءسۇتتىڭ باعاسى 2،4%، جىل باسىنان بەرى 17،2% جانە ءبىر جىل ىشىندە 21،5% وسكەنىن حابارلايدى. سالىستىرۋ ءۇشىن: 2021 جىلى باعانىڭ جىلدىق ءوسىمى نەبارى 9،5% بولعان. 2022 جىلعى قاڭتار-مامىر ارالىعىندا سۇيىق وڭدەلگەن ءسۇت پەن كىلەگەي ءوندىرىسى 235،3 مىڭ توننانى قۇرادى. بۇل ءبىر جىل بۇرىنعىدان 7% از. بۇل التى جىلدىق ۇزدىكسىز وسىمنەن كەيىنگى ءدال وسى كەزەڭدەگى العاشقى قۇلدىراۋ، – دەپ جازدى Energyprom.kz ساراپشىلارى.
سونىمەن قاتار زەرتتەۋشىلەر ءسۇت پەن كىلەگەي ءوندىرىسىنىڭ جارتىسى سولتۇستىك قازاقستان (75،7 مىڭ توننا) جانە الماتى (44،2 مىڭ توننا) وبلىستارىنا عانا تيەسىلى ەكەنىن ناقتىلايدى.
ءوندىرىستىڭ ءىرى كولەمى مىنا وڭىرلەردە تىركەلدى:
اقمولا وبلىسى (34،2 مىڭ توننا)؛
قوستاناي وبلىسى (28،5 مىڭ توننا).
ىشكى نارىقتاعى ساتۋ كولەمى 3،7%، 192 مىڭ تونناعا دەيىن، ال ەكسپورت ەكى ەسەگە جۋىق قىسقارىپ، 5،6 مىڭ تونناعا دەيىن تومەندەدى، – دەلىنگەن زەرتتەۋدە.
سونىمەن قاتار 2022 جىلدىڭ ءبىرىنشى توقسانىندا شيكى ءسۇتتى تۇتىنۋ ورتاشا ەسەپپەن جان باسىنا شاققاندا 3،5 ليتر بولدى. بۇل 2021 جىلدىڭ سايكەس كەزەڭىمەن سالىستىرعاندا 5% از. كىلەگەيدى تۇتىنۋ، كەرىسىنشە، ءبىر جارىم ەسە ءوستى.
ءسۇتتى تۇتىنۋ ايماققا بايلانىستى ايتارلىقتاي وزگەرەدى. مىسالى، قالالىق جەرلەردە 2022 جىلدىڭ ءبىرىنشى توقسانىندا جان باسىنا شاققانداعى شيكى ءسۇت تۇتىنۋ ورتاشا ەسەپپەن 1،73 ليتر بولسا، اۋىلدىق جەرلەردە 6،04 ليتر بولدى. كىلەگەي تۇتىنۋ بويىنشا ايىرماشىلىق ونشا كوپ ەمەس: اۋىلدا ورتاشا جان باسىنا 41 ميلليليتر، قالادا 51 ميلليليتر.