اتىراۋ وبلىسىندا جاڭا جۇمىس ورىندارىن اشۋ بويىنشا ءتيىستى جۇمىستار ءجۇرىپ جاتىر.
تەڭىزدەگى جوبادان بوسايتىنداردى جۇمىسقا ورنالاستىرۋ جونىندە جول كارتاسى ازىرلەندى. جول كارتاسىنا ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا، اتىراۋ وبلىسىنىڭ اكىمى سەرىك شاپكەن پەن «تەڭىزشيەۆرويل» ج ش س باس ديرەكتورى كيەۆين لايون قول قويدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا «تەڭىزشيەۆرويل» ج ش س بازاسىندا مەردىگەرلىك مەكەمەلەردىڭ قىزمەتكەرلەرىن جوبادان بوساتۋ جانە جۇمىسپەن قامتۋ ماسەلەلەرى جونىندە كەڭەس وتكىزدى. كەڭەس قورىتىندىسىمەن تەڭىز كەن ورنىنداعى كەلەشەكتە كەڭەيتۋ جانە ۇڭعىما ەرنەۋىنىڭ قىسىمىن باسقارۋ جوبالارىنىڭ قىزمەتكەرلەرىن جۇمىستان جوسپارلى تۇردە بوساتۋ جانە ولاردى جۇمىسپەن قامتۋدى مونيتورينگىلەۋ جونىندەگى ءىس-شارالاردىڭ جول كارتاسىنا قول قويىلدى.
كەڭەستە تەڭىز كەن ورنىنداعى جوبادان جۇمىسشىلاردى بوساتۋدىڭ بولجامدارى تالقىلاندى. سونداي-اق، ولاردى جۇمىسقا ورنالاستىرۋدىڭ نەگىزگى تاسىلدەرى ايقىندالدى.
«وسى كەزگە دەيىن 7،6 مىڭنان استام قىزمەتكەر جۇمىستان بوساتىلعان. ونىڭ ىشىندە 1،1 مىڭ جۇمىسشى «تەڭىزشيەۆرويلدىڭ» وزىندە، 449 ادام كومپانيادان تىس جەردە جۇمىسقا ورنالاستىرىلدى. ەلەكتروندىق ەڭبەك بيرجاسىندا بوس جۇمىس ورىندارى بولا تۇرا، جەرگىلىكتى اتقارۋشى ورگانداردىڭ جۇمىستان بوساتىلعان قىزمەتكەرلەرىن جۇمىسقا ورنالاستىرۋ دەڭگەيىنىڭ تومەندىگىن اتاپ وتكىم كەلەدى. ءقازىر ەلەكتروندىق ەڭبەك بيرجاسىندا 108 مىڭ بوس جۇمىس ورنى بار. ونىڭ ىشىندە ىسكە اسىرىلىپ جاتقان ۇلتتىق جوبالار شەڭبەرىندە 10،4 مىڭ بوس جۇمىس ورنى بوس تۇر. ونىڭ 12 جانە 25%-ى – تەحنيكالىق ماماندىقتار. اكىمدىك جۇمىستان بوساتىلعان قىزمەتكەرلەردى جۇمىسقا ورنالاستىرۋ بويىنشا جۇمىستى جانداندىرۋى قاجەت»، -دەدى تامارا دۇيسەنوۆا.
ءمينيستردىڭ ايتۋىنشا، كەلەشەك كەڭەيتۋ جانە ۇڭعىما ەرنەۋىنىڭ قىسىمىن باسقارۋ جوبالارىنان جۇمىسشىلارىنىڭ جۇمىستان بوساتىلۋىن جانە ولاردىڭ جۇمىسقا ورنالاسۋىن مونيتورينگىلەۋ ماقساتىندا جول كارتاسى ازىرلەنگەن. وندا مينيسترلىكتىڭ، وڭىرلەر اكىمدىكتەرىنىڭ تشو-مەن جانە قوسالقى مەردىگەر مەكەمەلەرمەن ءوزارا ءىس-قيمىلىنىڭ ناقتى الگوريتمى كوزدەلگەن.
«بۇل پروسەستىڭ بارلىق قاتىسۋشىلارى قازىرگى ماسەلەلەردى ءوز دەڭگەيىندە جەدەل جانە ناقتى پىسىقتاۋى وتە ماڭىزدى. جۇمىستان بوساتىلعان كوپتەگەن قىزمەتكەر اتىراۋ وبلىسىنا باسقا وڭىرلەردەن كەلگەن. سوندىقتان تشو-عا جۇمىسقا ورنالاسپاعانداردى اكىمدىكتەر جەرگىلىكتى جەرلەردە جۇمىسپەن قامتۋعا جاردەمدەسۋ شارالارىنا تارتۋى قاجەت»، -دەپ اتاپ ءوتتى تامارا دۇيسەنوۆا.
اتىراۋ وبلىسىنىڭ اكىمى سەرىك شاپكەنوۆ جۇمىستان بوساتىلعان قىزمەتكەرلەردى جۇمىسقا ورنالاستىرۋ بويىنشا جۇرگىزىلىپ جاتقان جۇمىستار تۋرالى حاباردار ەتتى.
«مەملەكەت باسشىسى قاسىم-جومارت توقايەۆ حالىقتىڭ تابىسىن ارتتىرۋ بويىنشا ناقتى تاپسىرمالار بەردى. سول سەبەپتەن، تشو مەن ونىڭ مەردىگەر كومپانيالارىنان جوسپارلى تۇردە بوساتىلعان ازاماتتاردى جاڭا جۇمىسپەن قامتۋ باعىتىندا جوسپارلاردى جۇزەگە اسىرامىز. ءقازىر اتىراۋ وبلىسىندا جاڭا جۇمىس ورىندارىن اشۋ بويىنشا ءتيىستى جۇمىستار ءجۇرىپ جاتىر. ءوڭىردىڭ كەشەندى دامۋ جوسپارى اياسىندا ناقتى جوبالار قولعا الىنادى. سوندىقتان، جۇمىستان بوساتىلعان ازاماتتاردى وسى جاڭا جوبالار اياسىندا جۇمىسپەن قامتۋدى جالعاستىرامىز»، -دەدى سەرىك شاپكەنوۆ.
«تەڭىزشيەۆرويل» ج ش س باس ديرەكتورى كيەۆين لايوننىڭ پىكىرىنشە، كومپانيا جول كارتاسى بويىنشا مەملەكەتتىك ورگاندارمەن بىرلەسىپ جۇمىس ىستەۋگە دايىن. قازاقستان كەلەشەك كەڭەيتۋ جوباسى مەن ۇڭعىما ەرنەۋىنىڭ قىسىمىن باسقارۋ جوباسىن ىسكە اسىرۋ كەزەڭىندە مۋلتيپليكاتيۆتى اسەر العان.
«ءبىزدىڭ كومپانيا اتىراۋ وبلىسىنىڭ اكىمدىگىمەن، ەنەرگەتيكا، ەڭبەك جانە حالىقتى الەۋمەتتىك قورعاۋ مينيسترلىكتەرىمەن بىرلەسكەن جۇمىستى وڭ باعالايدى. ءبىز ءتۇرلى جۇمىستاردىڭ اياقتالۋىنا وراي كەلەشەك كەڭەيتۋ جوباسى مەن ۇڭعىما ەرنەۋىنىڭ قىسىمىن باسقارۋ جوباسىن جۇزەگە اسىرۋ بارىسىنا بىرلەسە مونيتورينگ جۇرگىزەمىز. ءقازىر جوبانىڭ 93%-ى ورىندالدى. جوبا باستالعالى بەرى تشو جەرگىلىكتى مامانداردى وقىتىپ، بىلىكتىلىگىن ارتتىردى. بۇل –بولاشاقتا ەلدەگى جانە شەتەلدەگى ونەركاسىپ جوبالارىندا تاجىريبەسى مەن ءبىلىمىن قولدانا الاتىن قازاكستاندىق 25 مىڭنان استام مامان. سونداي-اق، جوبا حالىقارالىق كومپانيالارمەن سەرىكتەستىك ارقىلى تەحنولوگيالاردى تاراتۋعا جانە وڭىردەگى جاڭعىرتىلعان ينفراقۇرىلىم تۇرىندە مۇرا قالىپتاستىرۋعا ىقپال ەتتى»، دەيدى كيەۆين لايون.
تاراپتار قول قويعان جول كارتاسىندا كوزدەلگەن ءوزارا ءىس-قيمىل الگوريتمىنە سايكەس، تشو توقسان سايىن اتالعان مينيسترلىككە جانە وڭىرلەردىڭ اكىمدىكتەرىنە كاسىپتەر مەن وڭىرلەر بولىنىسىندە مەردىگەرلىك/قوسالقى مەردىگەرلىك ۇيىمدار قىزمەتكەرلەرىنىڭ جۇمىستان بوساتىلۋى تۋرالى اقپاراتتى ۇسىنادى. سونداي-اق ەلەكتروندىق ەڭبەك بيرجاسىنا ورنالاستىرادى.
ال، جەرگىلىكتى اتقارۋشى ورگاندار جۇمىستان بوساتىلعان قىزمەتكەرلەردى جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ بويىنشا مىندەتتەمەلەردى ورىنداۋى ءتيىس. ونىڭ ىشىندە قىسقا مەرزىمدى وقۋعا جىبەرۋ، سۋبسيديالاناتىن جۇمىس ورىندارىنا جانە ۇلتتىق جوبالار شەڭبەرىندە ىسكە اسىرىلاتىن جوبالارعا جۇمىسقا ورنالاستىرۋ، گرانتتار مەن ميكروكرەديتتەر بەرۋ بار.
ەڭبەك جانە حالىقتى الەۋمەتتىك قورعاۋ مينيسترلىگى تشو قىزمەتكەرلەرىن جۇمىستان بوساتۋ جانە ناقتى جۇمىسقا ورنالاستىرۋ مونيتورينگىن جۇزەگە اسىرادى. جۇمىستان بوساتىلاتىن قىزمەتكەرلەر ءۇشىن بوس جۇمىس ورىندارىنىڭ ونلاين-جارمەڭكەلەرىن ۇيىمداستىرادى. جۇمىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان الەۋمەتتىك تولەم تاعايىنداۋدى قامتاماسىز ەتەدى.
