ەلىمىزدە سۇرانىسى جوعارى ماماندىقتار قانداي؟

جۇرگىزۋشى، جۇك تيەۋشى مەن شەبەر بيىل جۇمىس ىزدەۋشىلەر اراسىندا ەڭ سۇرانىسقا يە ماماندىقتار بولدى.

Olx.kz ونلاين-جارناما سەرۆيسىنىڭ ساراپشىلارى 2022 جىلدىڭ توعىز ايىنداعى قازاقستاندىق ەڭبەك نارىعىنا باعا بەردى، دەپ حابارلايدى Almaty-akshamy.kz

سونىمەن جۇمىس بەرۋشىلەر اراسىندا دا، جۇمىس ىزدەۋشىلەر اراسىندا دا ەڭ كوپ سۇرانىسقا يە «جۇرگىزۋشى» ماماندىعى بولدى. جۇمىس ۇسىناتىن 10 ۇزدىك ءتىزىمنىڭ 19%-ى جانە جۇمىس ىزدەۋشىلەر اراسىندا 21%-ى وسى ماماندىقتى ىزدەگەن.

قازاقستاندا جۇرگىزۋشىنىڭ ورتاشا جالاقىسى 175 مىڭ تەڭگە بولدى.

بۇل رەتتە نارىقتاعى ەڭ جوعارى اقى تولەنەتىن ماماندىقتار - ورتاشا ۇسىنىلاتىن جالاقىسى 1 ملن تەڭگە بولاتىن «ستوماتولوگ» جانە 930 مىڭ تەڭگە اقىسى بار «جۇك كولىگىنىڭ جۇرگىزۋشىسى» ماماندىقتارى.

جۇمىس بەرۋشىلەردىڭ 77%-ى تۇراقتى جۇمىسشىلاردى ىزدەيدى. Cايكەسىنشە، ءوتىنىش بەرۋشىلەردىڭ 70%-ى مۇنداي جۇمىسقا دايىن. جۇمىس بەرۋشىلەردىڭ 59%-ى ءۇشىن جۇمىس تاجىريبەسىنىڭ بولۋى نەمەسە بولماۋى ماڭىزدى ەمەس، ال جۇمىس ىزدەۋشىلەردىڭ 35%-ىنىڭ جۇمىس ءوتىلى ءۇش جىلدان اسپايدى.

سونىمەن قاتار جۇمىس بەرۋشىلەردىڭ 19% جانە 23%-ى اۋىسىمدىق جانە يكەمدى جۇمىس كەستەسىن ۇسىنۋعا دايىن. جوبالىق نەمەسە ۋاقىتشا جۇمىستى جۇمىس بەرۋشىلەردىڭ 2%-ى ۇسىنادى.

ءبىر قىزىعى، كەيبىر جۇمىس بەرۋشىلەر عانا (1%-دان از) قىزمەتكەرلەردى قاشىقتان جۇمىسقا قابىلداۋعا كەلىسەدى. وتكەن جىلى بۇل كورسەتكىش 3% بولعان ەدى. ال جۇمىس ىزدەۋشىلەردىڭ 12%-ى قاشىقتان جۇمىس ىزدەيدى. بۇل رەتتە ولاردىڭ 15%-ى تولىق ەمەس جۇمىس كۇنىن ىزدەسە، 8%-ى جوبالىق نەمەسە ۋاقىتشا جۇمىستى قاراستىرسا، 5%-ى تاعىلىمدامادان ءوتۋدى قالايدى.

جۇمىس ىزدەۋشىلەردىڭ 68%-ى تولىق ۋاقىتتى جۇمىسقا دايىن، ۇمىتكەرلەردىڭ 10% جانە 12% سايكەسىنشە يكەمدى كەستە بويىنشا نەمەسە قاشىقتان جۇمىس ىستەۋدى قالايدى.

ەڭ كوپ سۇرانىسقا يە 3 جۇمىس باعىتىنا 16% ۇلەسپەن «بولشەك ساۋدا/ساتۋ/ساتىپ الۋ» جانە «كولىك/لوگيستيكا/قويما» جانە 15% ۇلەسپەن «بار/مەيرامحانا/كافەلەر» كىرگەنىن اتاپ وتكەن ءجون.