بۇگىنگى تاڭدا ۆەگەتاسيا كەزەڭى شتاتتىق كەستەگە ساي ءوتىپ جاتىر.
«قازسۋشار» مەكەمەسى بيىل 790 مىڭ گەكتاردان استام اۋىلشارۋاشىلىق القابىن سۋارۋعا 7،6 ملرد تەكشە مەتر سۋ جىبەرۋدى جوسپارلاپ وتىر، دەپ حابارلايدى aqshamnews.kz.
سۋارۋ ماۋسىمىنا دايىندىق اياسىندا 83 گيدروبەكەت جوندەلىپ، قالپىنا كەلتىرىلدى. سونىمەن قاتار 775 گيدروبەكەت اتتەستاسيادان ءوتتى. 6 وبلىستىڭ اۋىل شارۋاشىلىعى القاپتارىنا سۋ بەرۋدى جاقسارتۋ ءۇشىن 390 شاقىرىمنان استام سۋارۋ ارناسى تازارتىلدى. سونداي-اق، قازاقستاننىڭ 8 وڭىرىندە 74 گيدروتەحنيكالىق قۇرىلىس جوندەلدى.
جىل باسىندا سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ شارۋالاردىڭ ءوتىنىشىن قاناعاتتاندىرۋ ماقساتىندا «قازسۋشار» فيليالدارىنا ديحاندارمەن دەلدالسىز تىكەلەي كەلىسىمشارتقا وتىرۋ تۋرالى تاپسىرما بەرگەن بولاتىن. وسىنىڭ ناتيجەسىندە بيىل ءبىرقاتار وڭىرلەردە شارۋالار ءۇشىن سۋارمالى سۋدىڭ باعاسى ارزاندادى.