الماتى وبلىسىندا پوليسيا ءۇش تونناعا جۋىق قاراسورا تاپتى، – دەپ حابارلايدى aqshamnews.kz.
27 شىلدەدە الماتى وبلىسىنىڭ پوليسەيلەرى “قاراسورا – 2024” جەدەل-پروفيلاكتيكالىق ءىس-شارا اياسىندا بالقاش وڭىرىندە اۋە بارلاۋ كەزىندە ءۇش تونناعا جۋىق گوللاند قاراسوراسىن تاپتى.
– ەسىرتكى پلانتاسياسى بالقاش كولىنىڭ ارالدارىنىڭ بىرىندە انىقتالدى. جۇرگىزىلگەن ساراپتاما تاركىلەنگەن 6 122 وسىمدىك بۇتاسى جالپى سالماعى 2 توننا 740 كەلى گوللانديالىق كاننابيس ەكەنىن راستادى، – دەپ اتاپ ءوتتى الماتى وبلىسى پوليسيا دەپارتامەنتىنىڭ باستىعى باۋىرجان الەنوۆ.
ءوسىرۋ دەرەگى ءتيىستى كۇتىمدى قامتاماسىز ەتەتىن ناقتى ۇيىمداستىرىلعان سۋارۋ جۇيەسىنىڭ بولۋىمەن راستالادى. سونىمەن قاتار ارال اۋماعىندا ورنالاسقان شاتىردا پاتروندارىمەن تەگىس ۇڭعىلى قارۋ، قاجەتتى ەكى قاپ تىڭايتقىش، سونداي-اق قاراسورانى سۋارۋ جانە وڭدەۋ تۋرالى جازبالارى بار داپتەر تابىلعان.
– قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ فاكتىسى بويىنشا قىلمىستىق ءىس قوزعالدى. كۇدىكتىلەردى ۇستاۋعا باعىتتالعان جەدەل-ىزدەستىرۋ ءىس-شارالارىنىڭ كەشەنى وتكىزىلۋدە، – دەپ تولىقتىردى ب. الەنوۆ.
وسىلايشا، پوليسەيلەر قارا نارىقتاعى جالپى قۇنى شامامەن 300 ميلليون تەڭگەنى قۇرايتىن ماريحۋانانىڭ ەلۋ مىڭنان استام ءبىر رەتتىك دوزاسىن زاڭسىز اينالىمعا جىبەرمەگەنىن ايتا كەتۋ ءجون.