مەملەكەتتىك كىرىستەر كوميتەتى (مكك) سوڭعى كۇندەرى قوعامدا قىزۋ پىكىرتالاس تۋدىرعان “تويعا سالىق سالىنا ما؟” دەگەن ماسەلەگە رەسمي تۇسىنىكتەمە بەردى، دەپ حابارلايدى aqshamnews.kz.
كوميتەتتىڭ مالىمدەۋىنشە، اڭگىمە توي يەلەرى تۋرالى ەمەس، توي قىزمەتىنە بايلانىستى تابىس تاۋىپ جۇرگەن ازاماتتاردىڭ سالىق مىندەتتەمەلەرى جايىندا بولىپ وتىر.
مكك مالىمەتىنشە، بۇل ماسەلە – جەكە كاسىپكەر رەتىندە رەسمي تىركەلمەي، ساۋدا-ساتتىقپەن نەمەسە باسقا دا كوممەرسيالىق قىزمەتتەرمەن اينالىساتىن تۇلعالارعا قاتىستى. ياعني، تويدا قىزمەت كورسەتىپ، ءبىراق سالىق تولەمەيتىن جۇرگىزۋشىلەر، فوتوگرافتار، تامادالار، انشىلەر مەن باسقا دا ازاماتتار تۋرالى ءسوز قوزعالىپ وتىر.
كوميتەت جەكە تۇلعالاردىڭ سالىق مىندەتتەمەلەرىن ورىنداۋ بويىنشا سالىقتىق اكىمشىلەندىرۋدى ولاردىڭ قىزمەتىنە قاراماستان ۇنەمى جۇرگىزىپ وتىرادى، – دەلىنگەن رەسمي جاۋاپتا.
سونداي-اق، سالىقتىق ادىلەتتىلىك قاعيداتىنا ساي، تابىس تاپقان كەز كەلگەن ادام مەن كاسىپكەر جالپى نەگىزدە سالىق تولەۋگە مىندەتتى. بۇل رەتتە «كامەرالدى باقىلاۋ سالىق سالۋعا جاتاتىن تابىس الاتىن بارلىق تۇلعالارعا قاتىستى بىردەي تۇردە جۇرگىزىلەدى»، – دەپ اتاپ ءوتتى مەملەكەتتىك كىرىستەر كوميتەتى.
وسىلايشا، ۆەدومستۆو قوعامدا تاراعان «توي جاساعاندارعا جەكە سالىق سالىنادى» دەگەن اقپاراتتى جوققا شىعارىپ، باستى ماقسات – كولەڭكەلى ەكونوميكامەن كۇرەس جانە تابىستى جاسىرماي، سالىقتىق مىندەتتەمەنى ورىنداۋ ەكەنىن ناقتىلادى.