الماتىنىڭ جەتىسۋ اۋدانىندا بىرنەشە جىل ىشىندە 8 جالپى ءبىلىم بەرەتىن مەكتەپكە تولىققاندى قوسىمشا عيماراتتار سالىندى. بۇل بالالاردى وقىتۋ ءۇشىن قولايلى وقۋ جاعدايلارىن جاساۋعا مۇمكىندىك بەردى. بۇل تۋرالى قالانىڭ جەتىسۋ اۋدانىنىڭ اكىمدىگى ءمالىم ەتتى، دەپ حابارلايدى اlmaty-akshamy.kz.
قوسالقى وقۋ عيماراتتارى قۇرىلىستارىنىڭ ارقاسىندا قوسىمشا 1 600 وقۋشى ورنى پايدا بولدى. سونىمەن قاتار، سىنىپتار زاماناۋي وقۋ قۇرالدارىمەن، سونىڭ ىشىندە ينتەراكتيۆتى تاقتالارمەن، روبوتوتەحنيكامەن جابدىقتالعان جانە زاماناۋي ستاندارتتارعا سايكەس كەلەدى. كەيبىر مەكتەپتەردە جاڭا اكت زالدارى، اسحانالار مەن سپورت زالدارى سالىندى. اۋداننىڭ ەكى مەكتەبى كۇردەلى جوندەۋدەن ءوتتى. 
اۋدان اكىمى گۇلنار كوەوبايەۆانىڭ باستاماسىمەن «اينابۇلاق 4» ش/ا ەسكى قاراۋسىز قالعان بالاباقشا ورنىندا جاڭا بوبەكجاي عيماراتى سالىندى. جاقىندا جاڭا بالاباقشا اۋداننىڭ 160 كىشكەنتاي تۇرعىنىندارىنا ەسىگىن ايقارا اشادى.
سونىمەن قاتار، ءۇش شاعىن اۋداندا: اينابۇلاق، كەمەل جانە قۇلاگەر بىرنەشە جىل ىشىندە ءۇش دەنە شىنىقتىرۋ-ساۋىقتىرۋ كەشەنى (دسك) سالىندى. ولاردا بالالار تەگىن سپورتپەن شۇعىلدانادى. اۋدان اۋماعىندا ەكى جاستاردىڭ كوميۋنيتي ورتالىعى دا سالىندى.
«قيىن جاسوسپىرىمدەر» اراسىنان 200-دەن استام ۇلدار مەن قىزدار «جاڭا ۇرپاق» موتيۆاسيالىق لاگەرىندە تەگىن وقۋدان ءوتتى، وندا ولار جاڭا داعدىلارعا يە بولدى، دوستار تاپتى، كوماندادا جۇمىس ىستەۋدى ۇيرەندى جانە جەكە جاۋاپكەرشىلىك دەڭگەيىن ارتتىردى، سونداي-اق وزدەرىنە سەنە الدى.