قازاقستاندا سوڭعى 5 جىلدا جەل جانە كۇن ستانسيالارىنىڭ قۋاتى ون ەسەگە ارتتى.
بۇگىنگى تاڭدا ەلىمىزدە بالامالى قۋات كوزدەرىنىڭ 140-تان استام نىسانى جۇمىس ىستەپ تۇر، دەپ حابارلايدى Almaty-akshamy.kz Qazaqtv.com cايتىنا سىلتەمە جاساپ.
ونىڭ 43ء-ى جەل، 53ء-ى كۇن، 40 سۋ جانە 5ء-ۋى بيوەلەكتر ستانسياسى. الداعى ۋاقىتتا ولاردىڭ قاتارى ارتادى دەپ جوسپارلانعان.
«2025 جىلعا دەيىن ءبىز تاعى 49 نىساندى ىسكە قوسۋدى جوسپارلاپ وتىرمىز. ولاردىڭ قۋاتتىلىعى 860 مەگاۆاتت بولادى. بۇنىڭ ارقاسىندا ءبىز قوسىمشا جۇمىس ورىندارىن اشامىز، جاسىل تەحنولوگيانىڭ ۇلەسىن ارتتىرامىز جانە وسى نىساندار سالىناتىن ايماقتارعا ينۆەستيسيا تارتامىز»، - دەيدى ق ر ەنەرگەتيكا مينيسترلىگىنىڭ باسقارما باسشىسى داۋلەت زاكاريانوۆ.
ساراپشىلاردىڭ ايتۋىنشا، 2030 جىلعا قاراي ەلىمىزدىڭ ەنەرگيا بالانسىندا جاسىل ەنەرگيانىڭ ۇلەسى 15 پروسەنتكە جەتۋگە ءتيىس. ءقازىر بۇل كورسەتكىش 4 پايىزدى قۇرايدى. ال 2060-قا قاراي قازاقستان كومىرتەگى بەيتاراپتىعىنا قول جەتكىزۋى كەرەك.