جاھاندىق جىلىنۋدىڭ سالدارى بۇرىن بولجاعاننان دا ناشار بولۋى مۇمكىن.
بۇل تۋرالى كەمبريدج ۋنيۆەرسيتەتىنىڭ ساراپشىلارى باستاعان حالىقارالىق زەرتتەۋشىلەر توبى مالىمدەدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
عالىمدار ادامزاتقا اپات ءقاۋپىن توندىرەتىن كليمات وزگەرىسىنىڭ ەڭ پەسسيميستىك سەنارييلەرىن كەلتىردى. ولاردىڭ بولجامدارىنشا، بولاشاق مودەلىنە سايكەس 2070 جىلعا قاراي شامامەن ەكى ميلليارد ادام ورتاشا جىلدىق تەمپەراتۋرا سەلسيي بويىنشا 29 گرادۋستان جوعارى ورتادا ءومىر سۇرۋگە ءماجبۇر بولادى.
ماماندار اۋا تەمپەراتۋراسىنىڭ ۇزدىكسىز كوتەرىلۋى باسقا دا قيىندىقتاردى تۋدىرۋى مۇمكىن دەيدى. ماسەلەن، قولايسىز اۋا رايىنان الەمدە بەلگىسىز دەرت پايدا بولىپ، ەگىستىك القاپتارى ازايىپ، قارۋلى قاقتىعىستار بەلەڭ الۋى مۇمكىن.