ەلىمىزدە ساۋساق ءىزىن تىركەۋى كەرەك شەتەلدىكتەردىڭ ءتىزىمى كوبەيدى

قاۋلى 2022 جىلدىڭ 1 قازانىنان باستاپ كۇشىنە ەنەدى.

ۇكىمەتتىڭ 2022 جىلعى 22 قىركۇيەكتەگى قاۋلىسىمەن ساۋساق ءىزىن جانە گەنومدىق تىركەۋدى جۇرگىزۋ قاعيدالارىنا وزگەرىستەر ەنگىزىلدى، دەپ حابارلايدى Almaty-akshamy.kz

وسىلايشا تىزىمگە قازاقستاندا تۇراقتى تۇرۋعا ىقتيارحات الۋعا ءوتىنىش بەرگەن ادامدار، قازاقستان اۋماعىنان تىسقارى جەرلەرگە كوشۋ ءۇشىن بوسقىن مارتەبەسى بەرىلگەن ادامدارعا بەرىلەتىن جول ءجۇرۋ قۇجاتىن بەرەتىن تۇلعالار، سونىمەن قاتار رەادميسسياعا نەمەسە قازاقستان اۋماعىنان شىعارىلۋعا جاتاتىن شەتەلدىكتەر مەن ازاماتتىعى جوق ادامدارعا قازاقستاننان كەتۋگە ارنالعان شەتەلدىك پاسپورت جوعالعان نەمەسە قولدانىلۋ مەرزىمى وتكەن جاعدايدا كىرەدى.

قازاقستاندا تۇراقتى تۇرۋعا ىقتيارحات بەرۋ كەزىندە ساۋساق ءىزى تۋرالى مالىمەتتەر بازاسىنا قوسىمشا ەنگىزىلەدى:

جوسپارلانعان تۇراقتى تۇرعىلىقتى جەرىنىڭ مەكەنجايى؛

تۇراقتى تۇرۋ تۋرالى ءوتىنىشتى قارايتىن ورگاننىڭ اتاۋى.

سونىمەن قاتار ەرەجەلەرگە ەنگىزىلگەن تولىقتىرۋلار ەڭبەك يمميگرانتىنا جانە ق ر شەگىنەن شىعارىلعان نەمەسە حالىقارالىق رەادميسسيا كەلىسىمدەرىنە سايكەس كەلەتىن شەتەلدىكتەر مەن ازاماتتىعى جوق ادامدارعا رۇقسات بەرۋ كەزىندە شەتەلدىكتەر مەن ازاماتتىعى جوق ادامداردىڭ ساۋساق ءىزى دەرەكتەرىندە نەنى قامتيتىنىن انىقتايدى.

سونىمەن بىرگە ەرەجەلەرگە تارماقتار قوسىلدى. وعان ساي ساۋساق ءىزىن الۋ راسىمىنەن وتكەن تۇلعالار تەكسەرۋ راسىمىنەن ءوتۋدى جالعاستىرادى.

ساۋساق ءىزىن الۋ نەمەسە سالىستىرىپ تەكسەرۋ ناتيجەسى ەڭبەك يمميگرانتىنا بەرىلەتىن داكتيلوسكوپيالىق نەمەسە قاعاز جەتكىزگىشتەگى سالىستىرىپ تەكسەرۋ تۋرالى كۋالىكپەن رەسىمدەلەدى. ول تۋرالى كوشى-قون قىزمەتىنىڭ قىزمەتكەرى «ازاماتتاردى قۇجاتتاندىرۋ جۇيەسى» اپج-دا بەلگى قويادى.