بۇل - ق ر اۋىل شارۋاشىلىعى ءبىرىنشى ۆيسە-مينيسترى ايداربەك ساپاروۆتىڭ ءسوزى.
1 ساۋىردەگى مالىمەت بويىنشا، رەسپۋبليكادا 6،4 ملن توننا استىق بولعان، دەپ حابارلايدى Almaty-akshamy.kz ايداربەك ساپاروۆتىڭ سوزىنە سىلتەمە جاساپ.
«وزدەرىڭىزگە بەلگىلى، ب ا ق بەتتەرىندە ءبىرقاتار ديىرمەننىڭ شيكىزات دەفيسيتىنە بايلانىستى جۇمىسى توقتاعانى جازىلىپ جاتىر. مۇندا بىردەن ايتقىم كەلەتىنى – ەلدە ەشقانداي استىق تاپشىلىعى جوق. رەسپۋبليكادا جەتكىلىكتى مولشەردە استىق بار. بارشاڭىزدى دۇربەلەڭ تۋدىرماۋعا جانە جەكە مۇددەنى حالىقتىڭ جالاقىسىمەن جاسىرماۋعا شاقىرامىن»، - دەدى ا. ساپاروۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
الدىن الا ستاتيستيكا دەرەگىنە سايكەس، 1 ساۋىردەگى جاعداي بويىنشا، رەسپۋبليكادا 6،4 ملن توننا استىق بولعان.
«بۇل كولەم ىشكى تۇتىنۋدى قامتاماسىز ەتۋگە جانە ءبىر بولىگىن ەكسپورتقا، ونىڭ ىشىندە ۇن تۇرىندە جىبەرۋگە دە جەتكىلىكتى. ايتا كەتەيىك، جىل سايىن ءبىز شامامەن 3 ملن توننا ۇن وندىرەمىز، ءبىراق بۇل كولەمنىڭ جارتىسى ەكسپورتقا جىبەرىلەدى. وسىلايشا، وندىرىلەتىن ۇننىڭ بارلىعى ىشكى نارىققا كەتپەيتىنىن ءتۇسىنۋ كەرەك. ال كەيبىر ديىرمەندەر تەك ەكسپورتقا جۇمىس ىستەيدى»، - دەدى ايداربەك ساپاروۆ.
بۇعان دەيىن استىق وڭدەۋشىلەر وداعى ەلىمىزدە ءبىر جارىم اپتاعا عانا جەتەرلىك بيداي قورى قالعانىن مالىمدەگەن ەدى. استىق وسىرۋشىلەر مەن وڭدەۋشىلەر بيدايدى بولىسە الماي داۋ تۋعانى، بيداي تاۋسىلسا، بارلىق ديىرمەندەر جۇمىسىن توقتاتۋعا ءماجبۇر ەكەنى ايتىلعان.