2022 جىلعى قاڭتار-قاراشا ايلارى ارالىعىندا ەل اۋماعىندا 13 407 جول-كولىك وقيعاسى بولدى
2022 جىلدىڭ قاراشا ايىندا قازاقستاندا 109 مىڭ اۆتوكولىك تىركەلدى. بۇل الدىڭعى جىلمەن سالىستىرعاندا 29،3%-عا كوپ، دەپ حابارلايدى Almaty-akshamy.kz ۇلتتىق ستاتيستيكا بيۋروسىنا سىلتەمە جاساپ.
ەسەپكە قويىلعان كولىكتەر اراسىندا جەڭىل اۆتوموبيلدەر سانى 26،6%-عا، جۇك ماشينالارى 85،9%-عا، اۆتوبۋستار 6%-عا ارتقان.
ستاتيستيكاعا سايكەس، وتكەن جىلدىڭ 1 جەلتوقسانىنا دەيىن قازاقستاندا جالپى 4 ملن 403،6 مىڭ اۆتوكولىك تىركەلگەن. ونىڭ ىشىندە 87،8% - جەڭىل اۆتوموبيلدەر، 10،1% - جۇك ماشينالارى جانە 2،1% - اۆتوبۋستار.
2022 جىلعى قاڭتار-قاراشا ايلارى ارالىعىندا ەل اۋماعىندا 13 407 جول-كولىك وقيعاسى بولدى. سالدارىنان 19 511 ادام زارداپ شەكتى. اپاتتار سانى ءبىر جىل بۇرىنعى كەزەڭمەن سالىستىرعاندا 9،2%-عا ارتقان (12 272 جول-كولىك وقيعاسى، زارداپ شەككەن – 17 896 ادام). ساقتاندىرۋ ۇيىمدارى ازاماتتاردىڭ 84 631 ءوتىنىشى بويىنشا 44،9 ملرد تەڭگە سوماسىنا تولەم جاساعان.