2024 جىلى قازاقستاندا «عىلىم جانە تەحنولوگيالىق ساياسات تۋرالى» جاڭا زاڭ ازىرلەنبەك.
2026 جىلعا قاراي ەلىمىزدەگى عىلىمي قىزمەتكەرلەردىڭ سانىن 15%-عا ارتتىرۋ جوسپارلانىپ وتىر. مۇنداي دەرەكتەر «اشىق» نقا پورتالىندا جاريالانعان عىلىمدى دامىتۋدىڭ 2022-2026 جىلدارعا ارنالعان تۇجىرىمداماسىندا كورسەتىلگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
«عىلىمي-وندىرىستىك ۇيىمدار، ينجينيرينگتىك ورتالىقتار مەن عىلىمي-تەحنولوگيالىق پاركتەر ترانسفورماسيالانادى. 2026 جىلعا قاراي عىلىمي قىزمەتكەرلەردىڭ سانىن 2021 جىلمەن سالىستىرعاندا (21،6 مىڭ ادام) 15%-عا ارتتىرۋ كوزدەلۋدە. ال عىلىمي ۇيىمدار مەن جوعارى وقۋ ورىندارىنداعى زەرتحانالاردى جاڭارتىلعان جابدىقتارمەن قامتاماسىز ەتۋدى 25%-عا دەيىن ۇلعايتۋ جوسپارلانىپ وتىر. 2020 جىلى بۇل كورسەتكىش 13،4% قۇراعان ەدى»، - دەپ جازىلعان تۇجىرىمدامادا.
سونىمەن قاتار، 2024 جىلى قازاقستاندا «عىلىم جانە تەحنولوگيالىق ساياسات تۋرالى» جاڭا زاڭ ازىرلەنبەك.