قىسقى ۋنيۆەرسيادا اقش-تىڭ لەيك-پلەسيد قالاسىندا 12-22 قاڭتار ارالىعىندا بولادى.
2023 جىلعى قىسقى ۋنيۆەرسيادادا شايبالى حوككەيدەن قازاقستان ستۋدەنتتەر قۇراماسى العاشقى ويىنىن وڭتۇستىك كورەيانىڭ كومانداسىمەن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كەزدەسۋ بارىسىندا قازاقستاندىق حوككەيشىلەر العاشقى بولىپ ەسەپ اشتى. ويىننىڭ 14ء-شى مينۋتىندا ءالي قاسەنوۆ مەرگەندىك تانىتتى.
ەكىنشى كەزەڭ باستالعاننان كەيىن كورەيالىق حوككەيشىلەر تارازى باسىن تەڭەستىرسە، 24، 26-شى مينۋتتاردا كيريلل پولوحوۆ قازاقستان قۇراماسىنىڭ باسىمدىعىن ارتتىردى.
ال 38ء-شى مينۋتتا قازاقستاندىق ماكسيم مۋحامەتوۆ قاقپانى ءدال كوزدەدى.
وسىلايشا قازاقستاندىق حوككەيشىلەر قارسىلاسىنان 5:1 ەسەبىمەن باسىم ءتۇستى.
قازاقستاندىق حوككەيشىلەر ۆ توبىندا وڭتۇستىك كورەيا، ۆەنگريا، ۇلىبريتانيا، سلوۆاكيا جانە اقش-پەن سىنعا تۇسەدى.
اتالعان توپتا العاشقى تۋردا اقش قۇراماسى ۇلىبريتانيا 18:0 ەسەبىمەن تىزە بۇكتىرسە، سلوۆاكيا حوككەيشىلەرى ۆەنگريادان 4:0 ەسەبىمەن باسىم ءتۇستى.
ەندى ەلىمىزدىڭ ستۋدەنتتەر قۇراماسى 13 قاڭتاردا ۆەنگريامەن شەبەرلىك بايقاسادى. ودان كەيىن 16 قاڭتاردا ۇلىبريتانيا، 17 قاڭتاردا سلوۆاكيا، 18 قاڭتاردا اقش قۇراماسىمەن وينايدى.
ا توبىندا جاپونيا لاتۆيادان 8:3، چەحيا شۆەسيانى 7:2، كانادا ۋكراينانى 6:1 ەسەبىمەن جەڭدى.
قىسقى ۋنيۆەرسيادا اقش-تىڭ لەيك-پلەسيد قالاسىندا 12-22 قاڭتار ارالىعىندا بولادى.
قازاقستان ستۋدەنتتەر قۇراماسى ءدۇبىرلى دوداعا توعىز مارتە قاتىستى. 1995 جىلى يسپانيانىڭ حاكا قالاسىندا چەمپيوندىق تۇعىرعا كوتەرىلسە، 1993، 2013، 2015، 2017 جىلداردا كۇمىس، 2007 جىلى قولا مەدال يەگەرى اتاندى.
ەسكە سالساق، شايبالى حوككەيدەن قازاقستان ستۋدەنتتەر قۇراماسىنىڭ باس باپكەرى قىزمەتىنە عالىم مامبەتالييەۆ تاعايىندالدى.