ءتىزىم بەكىتىلدى.
ەڭبەك جانە حالىقتى الەۋمەتتىك قورعاۋ مينيسترلىگى شەتەل ازاماتتارىنا رەسپۋبليكادا تۇرۋعا ىقتيارحات الۋعا مۇمكىندىك بەرەتىن سۇرانىسقا يە ماماندىقتار ءتىزىمىن بەكىتتى، دەپ حابارلايدى Almaty-akshamy.kz
تىزىمگە دەنساۋلىق ساقتاۋ، اقپاراتتىق-كوممۋنيكاسيالىق تەحنولوگيالار، ينجەنەريا، عىلىم جانە تاعى باسقا سالالاردا سۇرانىسقا يە 21 ماماندىق ەنگەن.
"سۇرانىسقا يە ماماندىقتى مەڭگەرگەن شەتەلدىكتەر تولەم قابىلەتتىلىگىن راستاماي، ىشكى ىستەر ورگاندارىندا وڭايلاتىلعان تارتىپپەن تۇرۋعا رۇقسات راسىمدەي الادى. تۇرۋعا رۇقسات 10 جىلعا نەمەسە شەتەلدىك پاسپورتتىڭ قولدانىلۋ مەرزىمىنە سايكەس بەرىلەدى"، - دەپ مالىمدەدى ەڭبەك مينيسترلىگىندە.
ەڭبەك جانە حالىقتى الەۋمەتتىك قورعاۋ مينيسترلىگىنىڭ "شەتەلدىكتەردىڭ قازاقستان رەسپۋبليكاسىندا تۇراقتى تۇرۋعا رۇقسات الۋى ءۇشىن سۇرانىسقا يە كاسىپتەر تىزبەسىن جانە ونى قالىپتاستىرۋ قاعيدالارىن بەكىتۋ تۋرالى" بۇيرىعى 2023 جىلعى 28 اقپاننان باستاپ كۇشىنە ەنەدى.
سۇرانىسقا يە ماماندىقتار ءتىزىمى:
1.دارىگەر-نەيروحيرۋگ؛
2.دارىگەر-گەماتولوگ؛
3.دارىگەر-ونكولوگ؛
4.دارىگەر-نەوناتولوگ؛
5.دارىگەر-ەندوكرينولوگ؛
6.ورگانيكالىق ەمەس زاتتار تەحنولوگياسى جونىندەگى ينجەنەر-زەرتتەۋشى؛
7.ورگانيكالىق زاتتار تەحنولوگياسى جونىندەگى ينجەنەر-زەرتتەۋشى؛
8.فارماسيا ينجەنەر-تەحنولوگى؛
9.پايدالى قازبالاردى دايىنداۋ جونىندەگى ينجەنەر-زەرتتەۋشى؛
10.اۆياسيالىق ينجەنەر؛
11.عارىش جۇيەسىنىڭ اپپاراتتىق-باعدارلامالىق قامتىلىمى جونىندەگى ينجەنەرى؛
12.جاڭا تەحنيكا مەن تەحنولوگيانى ەنگىزۋ جونىندەگى ينجەنەر؛
13.لازەرلىك جابدىق جونىندەگى ينجەنەر؛
14.سەلليۋلوزا، قاعاز، پوليگرافيا جانە تالشىق ءوندىرىسى تەحنولوگياسى جونىندەگى ينجەنەر-زەرتتەۋشى؛
15.ينجەنەر-مەديسينالىق راديوحيميك؛
16.ينجەنەر-مەديسينالىق فيزيك؛
17.توقىما شيكىزاتىنىڭ كلاسسيفيكاتورى؛
18.باكتەريولوگ؛
19.ات ينفراقۇرىلىمىنىڭ ارحيتەكتورى؛
20.باعدارلامالىق قامتىلىم ارحيتەكتورى؛
21.وندىرىستىك وقىتۋ شەبەرى (ينجەنەريا جانە ينجەنەرلىك ءىس).