مەملەكەت قارجىسىنا تۇسىرىلگەن ءفيلمدى كورسەتكەندەر مەملەكەتكە اقشا اۋدارا ما؟

بۇل تۋرالى بۇيرىق 4 ناۋرىزدان باستاپ كۇشىنە ەنەدى.

ق ر مادەنيەت جانە سپورت ءمينيسترىنىڭ 2023 جىلعى 14 اقپانداعى بۇيرىعىمەن ۇلتتىق فيلمدەردى پروكاتتاۋ مەن كورسەتۋدەن تۇسەتىن كىرىستەردەن ۇلتتىق كينونى قولداۋ مەملەكەتتىك ورتالىعىنا اۋدارىمدار جاساۋ قاعيداسىنا وزگەرىس ەنگىزىلدى، دەپ حابارلايدى Almaty-akshamy.kz

اتاپ ايتقاندا، قۇجاتتا مەملەكەتتىك ورتالىق ارقىلى ۇلتتىق ءفيلمدى قارجىلاندىرۋ تۇرىندە مەملەكەتتىك قولداۋ العان جەكە جانە زاڭدى تۇلعالار مەملەكەتتىك ورتالىققا ۇلتتىق فيلمدەردى پروكاتتاۋ مەن كورسەتۋدەن تۇسەتىن كىرىستەردەن اۋدارىمداردى ىسكە اسىراتىنى جازىلعان.

اۋدارىم ۇلتتىق فيلمدەردى پروكاتتاۋ مەن كورسەتۋدەن تۇسەتىن كىرىستەردەن ۇلتتىق فيلمدەردى پروكاتتاۋ مەن كورسەتۋدى ۇيىمداستىرۋدى جۇزەگە اسىراتىن ۇيىمنىڭ ۇلەسى اراسىنداعى ايىرمادان مىناداي كولەمدە اۋدارىلادى:

الەۋمەتتىك ماڭىزى بار فيلمدەردى، دەبيۋتتىك فيلمدەردى، وقيعالى فيلمدەردى پروكاتتاۋدان جانە كورسەتۋدەن – تابىستىڭ 20 پايىزى؛

         كورەرمەندەردىڭ ۇلكەن اۋديتورياسىنا ارنالعان ويىن فيلمدەرىنەن، بىرلەسىپ شىعارىلعان فيلمدەردەن، پروكاتتاۋدان جانە كورسەتۋدەن – الىنعان مەملەكەتتىك قولداۋدىڭ پايىزدىق اراقاتىناسىنا مولشەرلەس.