قالاعان مەملەكەتتىك ءنومىر ءۇشىن اۆتوكولىك يەسى 15 اەك تولەيدى.
ۇلتتىق ەكونوميكا مينيسترلىگى سالىق كودەكسىنە اۆتوموبيلگە مەملەكەتتىك ءنومىر تاڭداۋ كەزىندە مەملەكەتتىك باج سالىعىن ەنگىزۋدى كوزدەيتىن تۇزەتۋلەر دايىندادى، دەپ حابارلايدى Almaty-akshamy.kz Elorda.info-عا سىلتەمە جاساپ.
سالىق كودەكسىن سيفرلىق نەمەسە ارىپتىك بەلگىلەۋدىڭ تاپسىرىسقا قاجەتتى كەز كەلگەن مەملەكەتتىك تىركەۋ نومىرلىك بەلگىلەرىن دايىنداعانى ءۇشىن مەملەكەتتىك باج مولشەرىن بەلگىلەيتىن نورمامەن تولىقتىرۋ ۇسىنىلادى.
قالاعان مەملەكەتتىك ءنومىر ءۇشىن اۆتوكولىك يەسى 15 اەك (2022 جىلى 45 945 تەڭگە) تولەيدى. الايدا سالىق كودەكسىنە تۇزەتۋلەر 2023 جىلعى 1 قاڭتاردان باستاپ كۇشىنە ەنەدى.
بۇل ەرەجە بىردەي ارىپتىك جانە ساندىق بەلگىلەرى بار مەملەكەتتىك نومىرلەرگە جۇرمەيدى: 001، 002، 003، 004، 005، 006، 007، 008، 009، 010، 020، 030، 040، 050، 060، 070، 077، 080، 090، 100، 111، 200، 222، 300، 333، 400، 444، 500، 555، 600، 666، 700، 707، 777، 800، 888، 900، 999.