ونىڭ ىشىندە 44 141 ءجاسوسپىرىم بار.
الماتىدا ءبىر تاۋلىك ىشىندە 553 ادام كوروناۆيرۋسقا قارسى ەكپە الدى. ونىڭ ىشىندە 1-كومپونەنتىن 204 ادام، 2-كومپونەنتىن 349 ادام سالدىردى، دەپ حابارلايدى Almaty-akshamy.kz.
«وتكەن جىلدىڭ 1 اقپانى مەن بيىلعى 28 ناۋرىز ارالىعىندا قالادا 1 155 525 تۇرعىن ۆاكسينانىڭ ءبىرىنشى كومپونەنتىن، 1 124 171 ادام ەكىنشى كومپونەنتىن سالدىرعان. ونىڭ ىشىندە جاسى 60-تان اسقان ادامداردىڭ سانى 125 067»، - دەلىنگەن الماتى قالاسى قوعامدىق دەنساۋلىق باسقارماسىنىڭ باسپا ءسوز قىزمەتىنىڭ حابارلاماسىندا.
بۇگىنگى تاڭدا Pfizer ۆاكسيناسىمەن بارلىعى 61 431 ادام ەگىلدى. ونىڭ ىشىندە 3 481 جۇكتى ايەل، 13 539 بالا ەمىزەتىن انا جانە 44 141 ءجاسوسپىرىم بار. ريەۆاكسيناسيادان قالانىڭ 299 960 تۇرعىنى ءوتتى.
«ءقازىر قالادا مەديسينا مەكەمەلەرىندە 136 ۆاكسيناسيا پۋنكتى جۇمىس ىستەيدى. 175 ۆاكسيناسيا بريگاداسىندا 555 مەديسينا قىزمەتكەرى جۇمىلدىرىلدى»، - دەلىنگەن الماتى قالاسى قوعامدىق دەنساۋلىق باسقارماسىنىڭ باسپا ءسوز قىزمەتىنىڭ حابارلاماسىندا.