پروكۋرورلار ايىپتاۋ جاعىن ۇستانباۋى قاجەت.
ولاردىڭ نەگىزگى ماقساتى – سوتتالۋشىنىڭ كىنالى نەمەسە كىناسىز ەكەندىگىن انىقتاۋعا كومەك بەرۋ، دەپ حابارلايدى Almaty-akshamy.kz
24.kz دەرەگىنە سايكەس، مەملەكەتتىك ايىپتاۋشى سوتتا ءادىل، وبەكتيۆتى جانە بەيتاراپ بولۋعا مىندەتتى. بۇنى باس پروكۋرور بەرىك اسىلوۆ ەلوردادا وتكەن مەملەكەتتىك ايىپتاۋشىلار فورۋمىندا ايتتى. بۇگىندە زاڭگەرلەردىڭ ايتۋىنشا، اقتاۋ ۇكىمىن الۋ مۇمكىندىگى 2%-تەن از. قازاقستاندا پروكۋرورلار جەتىسپەيدى، بۇل ولاردىڭ جۇمىسىنىڭ ساپاسىنا اسەر ەتەدى. سول سەبەپتى ادۆوكاتتار القاسى پروكۋرورلارمەن زاڭنامالىق تەڭدىكتى قولدايدى.
«زاڭدى، ءادىل ءارى نەگىزدى ايىپتى قولداۋ – ءىس بويىنشا دۇرىس شەشىمنىڭ جانە ادام قۇقىعىن قورعاۋدىڭ كەپىلى. كونستيتۋسيامەن بەلگىلەنگەن بۇل مىندەت پروكۋرورلارعا ەرەكشە جاۋاپكەرشىلىك جۇكتەيدى. مەملەكەتتىك ايىپتاۋشى قوعام مەن اقپارات قۇرالدارىنىڭ ەرەكشە نازارىندا ەكەنى بەلگىلى. ونىڭ بىلىكتىلىگىنە قاراپ، حالىق جالپى پروكۋراتۋرا ورگاندارىنا باعا بەرەدى»، - دەيدى ق ر باس پروكۋرورى بەرىك اسىلوۆ.