ەلىمىزدە پوليسەيلەردىڭ جۇمىس تارتىبىنە وزگەرىس ەنگىزىلەدى

قازاقستاندىق پوليسەيلەر سەرۆيستىك مودەلگە كوشىپ جاتىر.

بۇل جاڭاشىلدىق ءتارتىپ ساقشىلارىنىڭ جۇمىس ىستەۋ قابىلەتتىلىگىن ارتتىرادى، -  دەيدى ىشكى ىستەر مينيسترلىگى. ەندى ينسپەكتورلار حالىقپەن، قوعامدىق ۇيىمدارمەن تىعىز بايلانىستا بولىپ، ءوز اۋماعىنداعى تۇرعىنداردىڭ الەۋمەتتىك-تۇرمىستىق ماسەلەلەرىن ءجىتى زەرتتەۋلەرى قاجەت، دەپ حابارلايدى Almaty-akshamy.kz 24.kz-كە سىلتەمە جاساپ.

سەرۆيستىك مودەل بويىنشا جۇمىس ىستەۋ اياسىندا ماتەريالدىق-تەحنيكالىق بازا دا جاڭارتىلاتىن بولادى. ياعني، ارنايى تەحنيكالار مەن زاماناۋي قوندىرعىلاردى ساتىپ الۋ جوسپارلانعان. بۇدان بولەك، حالىقتى قابىلداۋعا ىڭعايلى بولاتىن ۋچاسكەلىك پۋنكتتەر دە اشىلادى. وسىنداي جوبالاردىڭ ءبىرى پيلوتتىق رەجيمدە پاۆلودار قالاسىندا ورناتىلعان.

«مىسالعا الساق، ۋچاسكەلىك پوليسەيدىڭ اكىمشىلىك اۋماعىندا ءبىر پروبلەما بار. ياعني، قاراڭعى جەر، جارىق جوق. ول – پروبلەما. ول جەردە قىلمىس بولۋى مۇمكىن، ۇرلىق بولۋى مۇمكىن، زورلىق بولۋى مۇمكىن دەگەن سياقتى. سول پروبلەمانى قالاي شەشۋىمىز كەرەك؟ ول جەردى جارىقتاندىرىپ، ول جەرگە بەينەكامەرا ورناتۋ كەرەك. سول پروبلەمانى بىرگە شەشۋ كەرەك. سول جەردەگى حالىقپەن، قوعاممەن جانە مەملەكەتتىك ۇيىمدارمەن بىرلەسە وتىرىپ»، - دەيدى ق ر ءىىم اكىمشىلىك پوليسيا كوميتەتى باسقارماسى باستىعىنىڭ ورىنباسارى ازامات قۇرىمبايەۆ