University Medical Center كلينيكالارىندا دونورلىق اعزالاردى ترانسپلانتتاۋ بويىنشا ءساتتى جۇرگىزىلگەن وپەراسيالار اعزانى ترانسپلانتتاۋدىڭ كۇتۋ پاراعىندا تۇرعان بەس ادامنىڭ ءومىرىن ساقتاپ قالدى.
دونور گەمورراگيالىق ينسۋلت العان 44 جاستاعى ايەل بولدى، دارىگەرلەر كونسيليۋمى ميدىڭ ءولىمىن راستادى. قيىن جاعدايدا ونىڭ تۋىستارى بۇل قادامنىڭ ماڭىزدىلىعىن ءتۇسىنىپ، قايتىس بولعاننان كەيىن اعزالاردىڭ دونورلىعىنا كەلىسىم بەردى.
UMC جۇرەك ورتالىعىندا مەديسينالىق توپ بۇرىن مەحانيكالىق قان اينالىمىن قولداۋ قۇرىلعىسى LVAD يمپلانتاتتالعان 43 جاستاعى پاسيەنتكە دونورلىق جۇرەكتى ترانسپلانتتاۋدى جۇرگىزدى. ەكىنشى پاسيەنتكە وكپەنى ترانسپلانتاتتاۋ جۇرگىزىلدى. UMC انا مەن بالا ورتالىعىندا 15 جاسار قىزعا بۇيرەك ترانسپلانتتاۋ جۇرگىزىلدى . بارلىق رەسيپيەنتتەردىڭ جاعدايى قاناعاتتانارلىق، ولار مامانداردىڭ باقىلاۋىمەن وڭالتۋدان وتەدى.
سونداي-اق، ەكىنشى دونورلىق بۇيرەك پەن باۋىر استانا قالاسىنىڭ ۇلتتىق عىلىمي ونكولوگيالىق ورتالىعىندا پاسيەنتتەرگە ترانسپلانتاتتالدى.
دونورلىق اعزالاردى ترانسپلانتتاۋ ەڭ كۇردەلى وپەراسيالاردىڭ ءبىرى بولىپ تابىلادى، الايدا تاجىريبە، داعدىلار جانە تەحنيكالىق جاراقتاندىرۋ ولاردى ءبىزدىڭ ەلىمىزدە جوعارى دەڭگەيدە ورىنداۋعا مۇمكىندىك بەرەدى. جۇرەك پەن وكپەنى ترانسپلانتاتتاۋ قايتىس بولعاننان كەيىنگى دونوردان، ميدىڭ ءولىمى راستالعان كەزدە عانا جۇزەگە اسىرىلادى. الايدا، ودان ءارى پروسەسس كوبىنەسە الەۋەتتى دونوردىڭ جاقىن تۋىستارىنىڭ شەشىمىنە بايلانىستى.
اعزالاردى ترانسپلانتتاۋدى ءساتتى جۇرگىزۋ - بۇل ءارتۇرلى مەملەكەتتىك جانە مەديسينالىق قىزمەتتەردىڭ ۇيلەسىمدى توپتىق جۇمىسى. ترانسپلانتولوگتار توبى ءبىرىنشى كەزەكتە دونوردىڭ جاقىندارى مەن تۋىستارىنا، اعزالاردى ترانسپلانتاتتاۋ بويىنشا ءبىرقاتار كۇردەلى وپەراسيالاردى ءقاۋىپسىز جۇزەگە اسىرۋعا كومەكتەسكەندەردىڭ بارلىعىنا العىسىن بىلدىرەدى.