الماتىدا «جاڭا الماتىنى» دامىتۋدىڭ 2020-2024 جىلدارعا ارنالعان كەشەندى جوسپارىن تالقىلاۋ بويىنشا «دوڭگەلەك ۇستەل» ءوتتى. الاتاۋ اۋدانى اكىمىنىڭ ورىنباسارى ادىلەت توقتاسىنوۆتىڭ مالىمەتىنشە، 2024 جىلعا قاراي اۋداندا ينجەنەرلىك جەلىلەر ماسەلەسى تولىعىمەن شەشىلەتىن بولادى دەپ حابارلايدى almaty-akshamy.kz
ادىلەت توقتاسىنوۆتىڭ اقپاراتى بويىنشا، قازىرگى ۋاقىتتا الاتاۋ اۋدانىنداعى 28 655 تۇرعىن ءۇي، بۇل 75% ورتالىق سۋمەن جانە 25 364 ءۇي نەمەسە 67% سۋ بۇرۋمەن قامتاماسىز ەتىلگەن.
«2019-2020 جىلدارى الماتى اكىمى باقىتجان ساعىنتايەۆتىڭ تاپسىرماسى بويىنشا ينجەنەرلىك جەلىلەردىڭ قۇرىلىسى باستالدى. قازىرگى ۋاقىتتا شاڭىراق-1، العاباس، ايگەرىم-1،2، ۇلجان-1، قاراسۋ، شاپاعات، بورالداي شاعىن اۋداندارىندا جۇمىستار جۇرگىزىلۋدە. بۇگىنگى كۇنى تەرەكتى، راحات-مادەنيەت شاعىن اۋداندارىندا جەلىلەر قۇرىلىسىنا جسق ازىرلەندى. بورالداي جانە شاپاعات شاعىناۋداندارىنىڭ ۇيلەرىنە دەيىن جەتكىزۋمەن تاراتۋ جەلىلەرىنىڭ قۇرىلىسىنا جوبالاردى ازىرلەۋ باستالدى»، - دەپ حابارلادى ادىلەت توقتاسىنوۆ.
سايالى، بولاشاق، العاباس، كوك-قاينار، شاڭىراق-5 جانە اقبۇلاق شاعىن اۋداندارىندا ينجەنەرلىك جەلىلەر قۇرىلىسىنا جسق قوسىمشا ازىرلەۋ قاجەت. بۇگىندە اۋداندا 18 كارىزدىك سورعى ستانسياسىنىڭ قۇرىلىسى اياقتالۋعا جاقىن.
ادىلەت توقتاسىنوۆتىڭ مالىمەتىنشە، بارلىق جوبالار ءساتتى جۇزەگە اسقان جاعدايدا 2024 جىلعا قاراي ينجەنەرلىك جەلىلەرمەن پروبلەمالاردى 100 پايىز شەشۋ بولجانۋدا.
الاتاۋ اۋدانى اكىمىنىڭ ورىنباسارى وتكەن جىلى «اجك» ينۆەستيسيالىق باعدارلاماسى بويىنشا 10 شاعىن اۋداندا ەلەكتر جەلىلەرىن قايتا قۇرۋ جۇرگىزىلگەنىن حابارلادى. بيىل تاعى 13 شاعىن اۋدانداعى جەلىلەر جوندەلەدى. قازىرگى ۋاقىتتا العاباس، تەرەكتى شاعىن اۋداندارىندا جانە ءىشىنارا شاڭىراق-5، ايگەرىم-1 جانە شاڭىراق-2 شاعىن اۋداندارىندا ەلەكتر جەلىلەرىن رەكونسترۋكسيالاۋ جۇمىستارى جۇرگىزىلۋدە.
جول جەلىسىن دامىتۋ ماڭىزدى بولىپ تابىلادى. ءا. توقتاسىنوۆتىڭ ايتۋىنشا، جولداردىڭ ساپاسى مەن قالا تۇرعىندارىنىڭ موبيلدىلىگىن ارتتىرۋ – «جاڭا الماتى» دكج باسىم باعىتتارىنىڭ ءبىرى.
«2019 جانە 2020 جىلدارى الاتاۋ اۋدانىنىڭ 13 شاعىن اۋدانىندا جاڭا جولدار سالىندى، ولاردىڭ جالپى ۇزىندىعى 119 كم. شاڭىراق-2، ازتم-العاباس، توميريس، ۇلجان-1،2، كوك-قاينار، قاراسۋ جانە وجەت شاعىن اۋداندارىندا ۇزىندىعى 76 كم 101 كوشە ورتاشا جوندەلدى»، - دەپ اتاپ ءوتتى اۋدان اكىمىنىڭ ورىنباسارى.
بيىل سامعاۋ شاعىن اۋدانىندا 4،6 كم جول قۇرىلىسى اياقتالدى، شاڭىراق-5-تە 6،6 كم جول سالىندى، وجەت شاعىن اۋدانىندا 11،2 كم جانە العاباس شاعىن اۋدانىندا 31 كم-دەن استام جول قۇرىلىسى بويىنشا جۇمىستار جالعاسۋدا. ايتا كەتەرلىگى، بيىل العاباس شاعىن اۋدانىندا 10 كم جاڭا جول سالىنادى.
ادىلەت توقتاسىنوۆ الاتاۋ اۋدانىندا 26 كوشەدە 45 كم جولدى ورتاشا جوندەۋ جوسپارلانعانىن اتاپ ءوتتى. ونىڭ ىشىندە سولتۇستىك اينالىم ماگيسترالدى كوشەلەرى بويىنشا (بوكەيحانوۆ كوشەسىنەن جۇمابايەۆ كوشەسىنە دەيىن) – 2،1 كم، رىسقۇلوۆ داڭعىلى (ساين كوشەسىنەن ەمسوۆ كوشەسىنە دەيىن) – 1،8 كم، رىسقۇلوۆ داڭعىلى (ەمسوۆ كوشەسىنەن كۋدەرين كوشەسىنە دەيىن) – 2 كم، بورالداي كوشەسى (شوسسەينايا كوشەسىنەن بورالداي كوشەسىنە دەيىن) – 2 كم، ەمسوۆ كوشەسى (رايىمبەك داڭعىلىنان رىسقۇلوۆ – ەمسوۆ داڭعىلىنا دەيىن) – 0،3كم. ماگيسترالدى كوشەلەر بويىنشا جالپى ۇزىندىعى – 8،4 كم.
بۇگىندە ۇزىندىعى 39،3 كم 20 كوشەنىڭ جولدارىن ورتاشا جوندەۋ جۇمىستارى اياقتالدى. وسى تىزىمدە سەرىكوۆ، كىشى موڭكە بي، جاڭاارقا، تايقازان، حاليفا التاي، كارپاتسكايا، «رادۋگا» ست، زارەچنايا، يمانوۆ، سەيتوۆ، دايىروۆ، بالپىق بي، عالييەۆا، قوجابەرگەن جىراۋ، تامعالى، ءتاڭىرتاۋ، مىڭبۇلاق، ءسۇمبىل، ۆويكوۆ، كيسلوۆودسكايا كوشەلەرى بار.
بۇدان باسقا، اۋداندا جاياۋ جۇرگىنشىلەر ينفراقۇرىلىمى سالىنۋدا، سەگىز شاعىن اۋداندا 20 كم استام تروتۋار سالۋ جۇمىستارى اياقتالدى.