بۇل العاش رەت بولماق.
17 ءشى رەت وتكىزىلەتىن جارىس 25 اقپان كۇنى انتاليادا (تۇركيا) بولادى، دەپ حابارلايدى Almaty-akshamy.kz
كۋبوكتى ەل چەمپيونى «ورداباسى» فك جانە قازاقستان كۋبوگىنىڭ يەگەرى «توبىل» فك ءوزارا ساراپقا سالادى.
ويىن «تيتانيك ماردان» ستاديونىندا وتەدى. بۇعان دەيىن اتالمىش الاڭدا قازاقستان ۇلتتىق قۇراماسى مەن وزگە ەلدەر بىرنەشە مارتە جولداستىق كەزدەسۋلەرىن ۇيىمداستىرعان. «انتالياسپور» كلۋبىنىڭ جاتتىعۋ بازاسى سانالاتىن ستاديون كەزىندە فۋتبولدان 17 جاسقا دەيىنگى جاسوسپىرىمدەر اراسىنداعى ەۋروپا چەمپيوناتىن قابىلداعان. ويىن جەرگىلىكتى ۋاقىت بويىنشا ساعات 15:00-دە (استانا ۋاقىتى بويىنشا ساعات 18:00-دە) باستالىپ، وتاندىق «Qazsport» رەسپۋبليكالىق تەلەارناسى تىكەلەي ەفيردە كورسەتەتىن بولادى.