الماتى اكادەمياسىندا باسشى قۇرامدى دايارلاۋ فاكۋلتەتىنىڭ تىڭداۋشىلارىنا سەرتيفيكات تاپسىرىلدى

م.ەسبولاتوۆ اتىنداعى الماتى اكادەمياسىندا ىشكى ىستەر ورگاندارىنىڭ باسشى قۇرامىن دايارلاۋ فاكۋلتەتىنىڭ تىڭداۋشىلارىنا سەرتيفيكات تاپسىرىلدى.

سەرتيفيكات تاپسىرۋ سالتاناتىن الماتى اكادەمياسىنىڭ باسشىسى ا.سايتبەكوۆ اشىپ، سەرتيفيكات يەلەرىنە ءسات-ساپار تىلەدى،.

«سىزدەر ءبىزدىڭ اكادەميا قابىرعاسىنان ۇلكەن جاۋاپكەرشىلىك ارقالاپ بارا جاتسىزدار. مەملەكەت باسشىسىنىڭ قولداۋىمەن جۇزەگە اسىرىلىپ جاتقان جاڭا قازاقستاندى قۇرۋدىڭ باستى تالابى – زاماناۋي تەحنولوگيالاردى قولدانا وتىرىپ، ەلىمىزدىڭ ءار سالاسىن بىلىكتىلىكپەن باسقارۋ. وسى تالاپ ۇددەسىنەن شىعۋ ءۇشىن سىزدەر اكادەميانىڭ كاسىبي ماماندارىنان جان-جاقتى ءبىلىم الدىڭىزدار. كاسىبي دايىندىقپەن قاتار، مورالدىق-ەتيكالىق، كوممۋنيكاتيۆتىك جانە پسيحولوگيالىق دايىندىقتان ءوتىپ، شەشەندىك ونەردى، باسقارۋ، اكىمشىلىك-شارۋاشىلىق قىزمەت سالاسىنداعى داعدىلاردى، قارجىلىق جانە قۇقىقتىق ساۋاتتىلىقتى، جوبالىق، داعدارىستىق جانە HR-مەنەدجمەنتتى مەڭگەردىڭىزدەر. سىزدەردى جاڭا فورماسيا باسشىلارىن دايارلاۋ اياسىندا العان بىلىمدەرىڭىزبەن ىشكى ىستەر ورگاندارىنداعى جۇيەلى رەفورمالاردى جۇزەگە اسىرۋعا ەلەۋلى ۇلەس قوسادى دەپ سەنەمىن»، – دەدى اكادەميا باستىعى.

اتالعان فاكۋلتەت ىشكى ىستەر مينيسترلىگىنىڭ 2020 جىلعى 20 جەلتوقسانداعى بۇيرىعىمەن قۇرىلعان بولاتىن. بيىل م.ەسبولاتوۆ اتىنداعى الماتى اكادەمياسىنىڭ ىشكى ىستەر ورگاندارىنىڭ باسشى قۇرامىن دايارلاۋ فاكۋلتەتى (№1 فاكۋلتەت) ءۇشىنشى جىل ءوز تۇلەكتەرىنە سەرتيفيكات تاپسىردى. سالتاناتتى جيىن الدىندا تىڭداۋشىلار اكادەميا باستىعىنىڭ باسشىلىعىمەن مەدەۋ تاۋ شاتقالىنداعى باسپالداقتى باعىندىرىپ، وزدەرىنىڭ سپورتتىق دايىندىقتارىن شىڭداپ قايتتى.