ءبىلىم بەرۋ جۇيەسىنە وقىتۋدىڭ جاڭا قۇرالى ەنگىزىلمەك
قازاقستاندا ونلاين ۋنيۆەرسيتەتتەر اشىلادى. بۇل تۋرالى ءبىلىم جانە عىلىم مينيسترلىگىنىڭ القا وتىرىسىندا ۆيسە-مينيستر قۋانىش ەرعالييەۆ ايتتى، دەپ حابارلايدى Almaty-akshamy.kz
«ءبىلىم جانە عىلىم مينيسترلىگى جوعارى ءبىلىم بەرۋ جۇيەسىنە وقىتۋدىڭ جاڭا قۇرالىن ەنگىزۋدى جوسپارلاپ وتىر. جاڭا فورمات - ونلاين وقىتۋ تۋرالى ايتىپ وتىرمىز. ەلىمىزدە العاشقى ونلاين ۋنيۆەرسيتەتتەر اشىلادى»، - دەدى قۋانىش ەرعالييەۆ.
ونىڭ ايتۋىنشا، جوعارى وقۋ ورىندارىندا وقۋعا بەرىلەتىن گرانتتار سانى 5 مىڭعا ۇلعايىپ، ونىڭ 60 پايىزى تەحنيكالىق ماماندىقتارعا بولىنەدى.
سونىمەن قاتار ول «بولاشاق» باعدارلاماسىنىڭ باعىتىن وزگەرتۋ جانە رەفورمالاۋ جۇمىستارىنىڭ باستالعانىن حابارلادى.