ەلىمىزدە 2022 جىل - بالالار جىلى دەپ جاريالاندى.
ق ر پرەمەر-مينيسترى ەرالى توعجانوۆتىڭ ايتۋىنشا، بالالار جىلىنا ارنالعان ءىس-شارالار ۇكىمەت وتىرىسىندا تالقىلانادى، دەپ حابارلايدى Almaty-akshamy.kz
«ءبىلىم بەرۋ جۇيەسىندەگى بارلىق جۇمىس، بارلىق قابىلدانعان ءىس-شارا وقۋشىلاردىڭ، تاربيەلەنۋشىلەردىڭ مۇددەلەرىنە باعىتتالۋى ءتيىس. بارلىق قۇجاتتىڭ استارىندا بالالاردىڭ كەلەشەگى تۇرۋى كەرەك. اسىرەسە، 2022 جىل - بالالار جىلى. بۇل - مەملەكەت باسشىسىنىڭ تىكەلەي باستاماسى. ءبىز بالالار جىلىنىڭ مازمۇنىن ماڭىزدى ىس-شارالارمەن تولتىرۋعا ءتيىسپىز»، - دەدى ۇكىمەت باسشىسىنىڭ ورىنباسارى ءبىلىم جانە عىلىم مينيسترلىگىنىڭ كەڭەيتىلگەن القا وتىرىسىندا.
ۇكىمەت باسشىسىنىڭ ورىنباسارى، اسىرەسە، ومىردە قيىن جاعدايعا تاپ بولعان بالالارعا، بالالار ۇيلەرىنىڭ تاربيەلەنۋشىلەرىنە، مۇگەدەك بالالارعا قامقورلىق جاساۋدىڭ ماڭىزى وتە زور ەكەندىگىن باسا ايتتى.
«سوندىقتان وسى باعىتتاعى حالىقارالىق تاجىريبەنىڭ بارلىعىن تاعى دا زەرتتەۋدى تاپسىرامىز. بۇل باعىتتا الدىمىزدا ءبىراز مىندەتتەر تۇر. وزدەرىڭىزگە بەلگىلى، بالالار جىلىن وتكىزۋگە ارنالعان جۇمىستاردى ۇيىمداستىرۋ باستالدى. سوندىقتان وسى رەتتە ىسكە اسىرىلاتىن ناقتى ءىس-شارالاردى ۇكىمەتتىڭ وتىرىسىندا ارنايى تالقىلايتىن بولامىز. مۇنىڭ ءبارى وتە ماڭىزدى»، - دەدى ەرالى توعجانوۆ.