پاتەر ۇرلىعى جىلدىڭ قاي مەزگىلىندە كوپ بولاتىنىن بىلەسىز بە؟

قازاقستاندا ۇرلىق جاساۋ قىلمىسى بويىنشا جازا قاتاڭداتىلدى

ەلىمىزدە وزگەنىڭ مۇلكىنە قول سۇعۋعا قاتىستى قىلمىستىڭ جازاسى قاتاڭداتىلدى. بۇل تۋرالى نۇر-سۇلتان قالاسى پوليسيا دەپارتامەنتى كريمينالدىق پوليسيا باسقارماسىنىڭ ءبولىم باسشىسى دياس ءقادىروۆ ءمالىم ەتتى، دەپ حابارلايدى اlmaty-akshamy.kz قازاقپاتقا سىلتەمە جاساپ.

«وسىعان دەيىن ايتقانىمداي، ۇرلىق قىلمىس بىرنەشە توپقا بولىنەدى. سونىڭ ءبىرى - پاتەر توناۋ. پاتەر توناۋشىلار ەكىگە بولىنەدى: كاسىبي جانە اۋەسقوي. پاتەر توناۋ كوبىنەسە كوكتەم مەن جازدا بولادى. سەبەبى كۇن جىلى نەمەسە ىستىق كەزدە ءۇي يەلەرى تەرەزە مەن ەسىكتى اشىق قالدىرىپ جاتادى. ال ۇرلىقشىلار ول ءساتتى قالت جىبەرمەيدى. سونداي-اق، وتكەن جىلدىڭ جەلتوقسان ايىنان باستاپ توناۋ مەن ۇرلىققا قاتىستى زاڭعا وزگەرىس ەنگىزىلدى. ياعني ۇرلانعان مۇلىك يەسىنە قايتارىلىپ، ەكى جاق تاتۋلاسقان كۇننىڭ وزىندە قىلمىسكەر زاڭعا سايكەس جازاسىن وتەيدى. سول سياقتى جازا قاتاڭداتىلدى»، - دەدى دياس ءقادىروۆ پوليسيا دەپارتامەنتىندە وتكەن باسپا ءسوز ءماسليحاتىندا.

ونىڭ ايتۋىنشا، سوڭعى جىلدارى ەلوردا اۋماعىندا ۇرلىق جاساۋ قىلمىسى ازايعان.

«وسىلايشا ىشكى ىستەر مينيسترلىگى قابىلداپ، ءبىزدىڭ دەپارتامەنت ىسكە اسىرىپ جاتقان شارالار ناتيجەسىن بەرىپ جاتىر. دۇرىس باعىتتامىز دەگەن ءسوز»، - دەيدى ول.