ەلىمىزدە ومبۋدسمەن ينستيتۋتى قۇرىلۋى مۇمكىن

قۇجات 27 قاڭتارعا دەيىن قوعام تالقىسىنا شىعارىلدى.

الەۋمەتتىك وسال توپتاردىڭ قۇقىعىن قورعايتىن ومبۋدسمەن ينستيتۋتى پايدا بولادى، دەپ حابارلايدى Almaty-akshamy.kz

قازاقستان پرەزيدەنتى جانىنان حالىقتىڭ الەۋمەتتىك جاعىنان وسال ساناتتارىنىڭ قۇقىقتارى جونىندەگى ۋاكىل ينستيتۋتى قۇرىلۋى مۇمكىن. ءتيىستى قۇجات «اشىق نقا» پورتالىندا جاريالاندى.

قاۋلىدا ۋاكىل ينستيتۋتى ءوز قىزمەتىن قوعامدىق باستامادا جۇزەگە اسىراتىنى ايتىلعان.

ۋاكىلدىڭ نەگىزگى ماقساتتارى – حالىقتىڭ الەۋمەتتىك جاعىنان وسال ساناتتارىنىڭ قۇقىقتارى مەن زاڭدى مۇددەلەرىنىڭ كەپىلدىكتەرىن قامتاماسىز ەتۋ، سونداي-اق مەملەكەتتىك جانە قوعامدىق ينستيتۋتتارىمەن ءوزارا ءىس-قيمىلدا ولاردىڭ قۇقىقتارى مەن بوستاندىقتارىن قالپىنا كەلتىرۋ.

ومبۋدسمەن مىنا ادامداردىڭ نەگىزگى قۇقىقتارى مەن زاڭدى مۇددەلەرىن قورعايدى:

- ۇلى وتان سوعىسىنىڭ ارداگەرلەرى؛

- جەڭىلدىكتەرى بويىنشا ۇلى وتان سوعىسىنىڭ ارداگەرلەرىنە تەڭەستىرىلگەن ارداگەرلەر؛

- باسقا مەملەكەتتەردىڭ اۋماعىنداعى ۇرىس قيمىلدارىنىڭ ارداگەرلەرى؛

- مۇگەدەكتىگى بار ادامدار؛

- مۇگەدەكتىگى بار بالالارى بار نەمەسە ولاردى تاربيەلەپ وتىرعان وتباسىلار؛

- اتاۋلى الەۋمەتتىك كومەك الۋشىلار؛

- اسىراۋشىسىنان ايىرىلۋ بويىنشا جاردەماقى الۋشىلار؛

- جاسىنا قاراي زەينەت دەمالىسىنا شىققان زەينەتكەرلەر؛

- قانداستار؛

- «التىن القا»، «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان، سونداي-اق I جانە II دارەجەلى «انا داڭقى» وردەندەرىمەن ناگرادتالعان كوپ بالالى انالار، كوپ بالالى وتباسىلار جاتادى.

قۇجات 27 قاڭتارعا دەيىن قوعام تالقىسىنا شىعارىلدى.