بەدەلدى جوبالاردىڭ ءبىرى كەلەسى اپتادا باستالادى
ونلاين فورماتتا وتەتىن شارا ءۇش كۇنگە سوزىلادى. ونىڭ باستى ماقساتى – ورتالىق ازيا مەن كاۆكازدى الەمدىك وزىق يننوۆاسيالىق باعىتتارعا ينتەگراسيالاۋعا ىقپال ەتۋ، دەپ حابارلايدى Almaty-akshamy.kz
عىلىمي ءبىلىم بەرۋ شاراسىنا الەمدىك عىلىم سالاسىنىڭ مايتالماندارى، عالىمدار، بيزنەس-كوشباسشىلار مەن باستاماشىلار قاتىسادى. ولاردىڭ ىشىندە نوبەل سىيلىعىنىڭ 10 لاۋرەاتى جانە «سەرپىلىس ءۇشىن» سىيلىعىنىڭ 10 لاۋرەاتى بار. ولار قازاقستان، وزبەكستان جانە ءازىربايجانداعى ستۋديالارعا بارىپ، الەمگە اشىق حابار تاراتادى.
Nobel Fest باعدارلاماسى قازىرگى زاماننىڭ جاھاندىق سىن-قاتەرلەرىنە جاۋاپ بەرەتىن نەگىزگى 4 باعىتقا بولىنەدى: جاسىل شىنايىلىق، يننوۆاسيا عاسىرى، بولاشاق ماماندىقتار جانە قوعامعا ارنالعان ەكونوميكا. فەستيۆال اياسىندا ستۋدەنتتەر ءۇشىن ارنايى ونلاين ساباقتار وتەدى.
«تىكەلەي كورسەتىلىم 5 تىلدە وتەدى: قازاق، اعىلشىن، ورىس، وزبەك جانە ءازىربايجان. بارلىعى ءۇش نەگىزگى ستۋديا جۇمىس ىستەيدى. بۇل – نۇر-سۇلتان، باكۋ جانە تاشكەنت قالالارىنداعى ستۋديالار، سونداي-اق قازاقستان ۋنيۆەرسيتەتتەرىندە دە ستۋديالار جۇمىس ىستەيدى. فەستيۆالگە بارلىعى 200 ۋنيۆەرسيتەت، 70 ەلدەن 50 مىڭعا جۋىق قاتىسۋشى قاتىسادى»، - دەيدى قازاقستانداعى ينكليۋزيۆتى دامۋ قورىنىڭ ديرەكتورى ماقسات قۇربەنوۆ.