ساۋىردەن بەرى ءبىرىنشى رەت ازايعان.
قىركۇيەكتە نەسيە بەرۋ كولەمى تامىز ايىمەن سالىستىرعاندا 11 پايىزعا ازايىپ، 1،2 ترلن تەڭگە بولدى، دەپ حابارلايدى Almaty-akshamy.kz
ءبىرىنشى نەسيە بيۋروسىنىڭ ماىمەتىنشە، بەرىلگەن نەسيەلەر سانى ساۋىردەن بەرى ءبىرىنشى رەت قىسقاردى. دالىرەك تامىز ايىمەن سالىستىرعاندا 9،5% ازايىپ، 3،8 ملن تەڭگە بولدى. مۇنىمەن قاتار قارىز الۋشىلار سانى ءساۋىر ايىنان بەرى 2،28 ملن ادامعا دەيىن قىسقاردى.
"تامىز ايىندا 860 ملرد تەڭگە، ال قىركۇيەكتە 741 ملرد تەڭگە كولەمىندە كەپىلسىز تۇتىنۋشىلىق نەسيە بەرىلدى. وسىلايشا جاڭا نەسيەلەردىڭ، قارىز الۋشىلاردىڭ سانى جانە ورتاشا سوما ازايدى. سونداي-اق اۆتونەسيە تامىزداعى 156 ملرد تەڭگەمەن سالىستىرعاندا قىركۇيەكتە 144 ملرد تەڭگەگە دەيىن تومەندەدى"، دەلىنگەن حابارلامادا.
تامىزدا زاڭدى تۇلعالارعا جاڭادان 1،6 ترلن تەڭگە، قىركۇيەكتە 1،4 ترلن تەڭگە بەرىلدى. نەسيە الۋشىلار سانى دا 53،8 مىڭنان 46 مىڭعا ازايدى.
زاڭدى تۇلعالارعا بەرىلگەن نەسيەلەردىڭ جالپى پورتفەلى 1 قازانداعى جاعداي بويىنشا 24 ترلن تەڭگەنى قۇرادى.