بۇگىنگى تاڭدا ۇيالى تەلەفوندار تەك بايلانىس قۇرالى عانا ەمەس، سونىمەن قاتار جەكە دەرەكتەردى، قاراجات پەن بانك كارتالارىن ساقتاۋعا ارنالعان پلاتفورما.
ءىىم مالىمەتتەرى بويىنشا، سمارتفوندار، اسىرەسە قىمبات مودەلدەر ۇرلىقتىڭ نىساناسىنا ءجيى اينالادى، ولاردىڭ كەيبىرىنىڭ قۇنى شامامەن 1 ملن تەڭگەنى قۇرايدى. ستاتيستيكاعا سايكەس، بيىلعى جىلدىڭ 10 ايىندا ەل بويىنشا 9 مىڭنان استام تەلەفون ۇرلىعى تىركەلدى. بۇل وتكەن جىلعى تىركەۋدەن 16%-عا تومەن. بۇل رەتتە تابىلىپ، يەلەرىنە قايتارىلعانى – 4 مىڭنان اسادى، دەپ حابارلايدى Almaty-akshamy.kz.
ۇيالى تەلەفونداردى ۇرلاۋعا قارسى ءىس-قيمىل بويىنشا قابىلدانىپ جاتقان شارالاردى جەتىلدىرۋ ماقساتىندا ۆەدومستۆو ءبىرقاتار ۇيىمداستىرۋشىلىق جانە زاڭنامالىق باستامالاردى ىسكە اسىرىپ جاتىر. مىسالى، سدياوم-مەن بىرلەسىپ قىلمىستىق جولمەن الىنعان تەلەفونداردىڭ قايتالاما اينالىمىن بولدىرماۋ ماقساتىندا “بايلانىس تۋرالى” ق ر زاڭىنا وزگەرىستەر ەنگىزىلدى، سوعان سايكەس “ابونەنتتىك قۇرىلعىلاردى تىركەۋ قاعيدالارى” ازىرلەنىپ، بەكىتىلدى.
ەرەجەگە سايكەس، بارلىق ۇيالى تەلەفوندار “IMEI + SIM + جسن” سحەماسى بويىنشا تىركەلۋى كەرەك، ەگەر بۇل بايلام بۇزىلعان بولسا، بۇعاتتالۋى كەرەك. ءىىم كريمينالدىق پوليسيا دەپارتامەنتى باسقارماسى باستىعىنىڭ ورىنباسارى جاندوس باتىربەكوۆ بۇگىنگى تاڭدا تەلەفون ۇرلىعىنىڭ تومەندەۋ ءۇردىسى بايقالىپ، ولاردىڭ اشىلۋ دەڭگەيى ارتىپ كەلە جاتقانىن اتاپ ءوتتى. ناتيجەسىندە سوڭعى ءۇش جىلدا ۇرلانعان تەلەفوندار سانىنىڭ 22،1%- عا، قالتا ۇرلىعىنىڭ 57،7%-عا تومەندەۋى بايقالدى، مۇندا ۇيالى تەلەفوندار دا قول سۇعۋشىلىقتىڭ نىساناسىنا اينالۋدا. بۇل قىلمىستاردىڭ اشىلۋى 90% دەڭگەيىندە قالادى. سونداي-اق ۇيالى تەلەفونداردى ۇرلاۋعا قارسى ءىس-قيمىل ماقساتىندا پوليسەيلەر ولاردى ساتىپ الۋ جانە وتكىزۋ ورىندارى بويىنشا جەدەل-پروفيلاكتيكالىق جانە رەيدتىك ءىس-شارالار جۇرگىزەدى. بازارلار، ساۋدا ۇيلەرى مەن ورتالىقتارى، بۋتيكتەر، جوندەۋ شەبەرحانالارى تەكسەرىلەدى.
تەلەفون ۇرىلارىنىڭ قۇربانى بولماس ءۇشىن ءتارتىپ ساقشىلارى بىرنەشە قاراپايىم ەرەجەلەردى ساقتاۋدى ۇسىنادى:
– تەلەفوندى كيىم مەن سومكەلەردىڭ سىرتقى قالتالارىنا سالماڭىز؛
– تەلەفون جاتقان سومكە جابىق ەكەنىنە كوز جەتكىزىڭىز؛
– تەلەفوندى قاراۋسىز قالدىرماڭىز؛
– تەلەفوندى كولىكتە كورىنەتىن جەردە قالدىرماڭىز (پانەلدە، ورىندىقتا جانە ت.ب.)؛
– جوعالعان تەلەفوندى تابۋ ءۇشىن Android جۇيەسى بار تەلەفوندارعا ارنالعان “قۇرىلعىنى تابۋ” جانە iPhone ءۇشىن “لوكاتور” قۇرىلعىلارىن ىزدەۋ قىزمەتىن پايدالانىڭىز، وندا سمارتفوندى جوعالعان دەپ بەلگىلەۋ كەرەك، سىزبەن بايلانىسۋعا بولاتىن دوسىڭىزدىڭ نەمەسە تۋىسقانىڭىزدىڭ ءنومىرى بار حابارلامانى ەكرانعا شىعارىڭىز.