كەيبىر پابليكتەردە "ناتو ورتالىعىنىڭ" اشىلعانى تۋرالى اقپارات تارادى.
قورعانىس مينيسترلىگى بۇل اقپاراتتى جوققا شىعاردى، دەپ حابارلايدى Almaty-akshamy.kz
"الماتىدا اقش-تىڭ قازاقستانداعى ەلشىسى دەنيەل روزەنبليۋمنىڭ قاتىسۋىمەن ق ر قورعانىس مينيسترلىگى بىتىمگەرشىلىك وپەراسيالار ورتالىعىنىڭ جاڭا كونفەرەنس-زالىنىڭ رەسمي اشىلۋى ءوتتى. ورتالىق 2006 جىلدان بەرى قازاقستان قارۋلى كۇشتەرىنىڭ بىتىمگەرشىلىك قىزمەتتەگى قۇرامداس بولىگى رەتىندە جۇمىس ىستەيدى. ونىڭ نەگىزگى ماقساتى – بىتىمگەرشىلىك وپەراسيالاردى بۇۇ ستاندارتتارىنا سايكەس دايىنداۋ"، - دەپ حابارلادى قورعانىس مينيسترلىگى.