ەلىمىزدە ميكروكرەديت شارتتارى وزگەرەدى

ۇكىمەت قاۋلى ازىرلەدى.

قازاقستاندا ميكروكرەديتتەر بويىنشا سىياقىنىڭ شەكتى ءمانىن وزگەرتۋ جوسپارلانىپ وتىر، دەپ حابارلايدى Almaty-akshamy.kz

قارجى نارىعىن رەتتەۋ جانە دامىتۋ اگەنتتىگى ءتيىستى قاۋلىنىڭ جوباسىن ازىرلەدى. قۇجاتتىڭ جوباسى "اشىق نقا" سايتىندا جاريالاندى.

ونىمەن ۇلتتىق بانكتىڭ ميكروكرەديت بويىنشا سىياقىنىڭ شەكتى ءمانىن بەلگىلەۋ تۋرالى قاۋلىسىنا وزگەرىس ەنگىزۋ قاراستىرىلعان. وعان سايكەس، 45 كۇنگە بەرىلگەن ميكروكرەديت بويىنشا سىياقىنىڭ شەكتى ءمانى كۇنىنە 0،8 پايىزدان اسپايدى. سىياقىنىڭ مولشەرى دە كورسەتىلگەن.

ولار:

رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ جيىرما بەس ەسەلەنگەن مولشەرىنەن (2023 جىلدا – 86 250 تەڭگەدەن) اسپايتىن بەرىلگەن ميكروكرەديت سوماسىنىڭ 20 پايىزى؛

رەسپۋبليكالىق بيۋدجەت تۋرالى زاڭدا ءتيىستى قارجى جىلىنا بەلگىلەنگەن ايلىق ەسەپتىك كورسەتكىشتىڭ جيىرما بەس ەسەلەنگەن مولشەرىنە تەڭ نەمەسە ودان اساتىن بەرىلگەن ميكروكرەديت سوماسىنىڭ 15 پايىزى؛

بۇدان بولەك، 45 كۇنگە الىنعان كەپىلزاتى بار ميكروكرەديتتىڭ سىياقىسى 20 پروسەنتتەن اسپاۋى شارت. ال ۇزارتىلعان جاعدايدا سىياقىنىڭ شەكتى ءمانى كۇنىنە 0،8 پايىزدان ارتىق بولماۋى قاجەت. قاۋلىنىڭ جوباسى 28 ساۋىرگە دەيىن قوعامدىق تالقىلاۋدان وتەدى.