مي قان اينالىمىنىڭ ءجىتى بۇزىلۋلارىن ەمدەۋ ءۇشىن رەسپۋبليكادا 81 ينسۋلت ورتالىعى جۇمىس ىستەيدى، دەپ حابارلايدى aqshamnews.kz.
ءجىتى كورونارلىق سيندروم كەزىندە ەل حالقىنا 48 كورونارلىق ارالاسۋ ورتالىعى مامانداندىرىلعان مەديسينالىق كومەك كورسەتەدى، دەپ حابارلادى دەنساۋلىق ساقتاۋ ءمينيسترى اقمارال ءالنازاروۆا قازاقستان رەسپۋبليكاسى پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ وتىرىسىندا.
مەديسينانىڭ ءبىرقاتار باعىتتارى حالىقارالىق دەڭگەيدە ءساتتى باسەكەلەسەدى.
ورتالىق ازياداعى جالعىز «گامما-پىشاق» كەشەنى اشىلعاننان بەرى ۇلتتىق نەيروحيرۋرگيا ورتالىعىندا ورتالىق نەرۆ جۇيەسىنىڭ اۋرۋلارىن ەمدەۋ ءۇشىن 361 راديوحيرۋرگيالىق وپەراسيا جاسالدى.
استانانىڭ كارديوحيرۋرگيا ورتالىعىندا قان اينالىمىن مەحانيكالىق قولداۋ (LVAD) ءۇشىن جۇرەكتىڭ جاساندى سول جاق قارىنشاسىن يمپلانتاتتاۋ جۇزەگە اسىرىلادى.
2024 جىلدىڭ 7 ايىنىڭ قورىتىندىسى بويىنشا وتكەن جىلدىڭ سايكەس كەزەڭىمەن سالىستىرعاندا قر-دا قاناينالىم جۇيەسى اۋرۋلارىنان بولاتىن ءولىم 0،7%- ا تومەندەدى.