ەلىمىزدە مەملەكەتارالىق پويىزداردىڭ قوزعالىسى قايتا جاندانادى

بيلەتتەر قۇنى مەملەكەتارالىق تاريف بويىنشا بەلگىلەنگەن.

ماۋسىم ايىنان باستاپ قىرعىزستاننىڭ ءۇش مەملەكەتارالىق پويىزىنىڭ قازاقستان اۋماعى ارقىلى رەسەيگە قاتىناۋى قايتا باستالادى، دەپ حابارلايدى Almaty-akshamy.kz «قازاقستان تەمىر جولى» ۇك» اق باسپا ءسوز قىزمەتىنە سىلتەمە جاساپ. 

- №17/18 «بىشكەك-سامارا» پويىزى بىشكەكتەن 8 ماۋسىمنان باستاپ، سامارادان 10 ماۋسىمنان باستاپ اپتاسىنا 2 رەتتەن قاتىنايدى؛

- №305/306 «بىشكەك - شۋ/قازان» پويىزى بىشكەكتەن 6 ماۋسىمنان باستاپ، قازاننان –9 ماۋسىمنان باستاپ اپتاسىنا 1 رەتتەن قاتىنايدى. №113/114 پويىزى «الماتى-قازان» پويىزىنىڭ قۇرامىمەن شۋ ستانسياسىنا دا قاتىنايدى؛

- №385/386 «بىشكەك – نوۆوسيبيرسك» پويىزى بىشكەكتەن 9 ماۋسىمنان باستاپ، نوۆوسيبيرسكىدەن 11 ماۋسىمنان باستاپ 8 كۇندە 1 رەت قاتىنايدى.

قازاقستان اۋماعى بويىنشا جوعارىدا كورسەتىلگەن پويىزدارعا جولاۋشىلاردى وتىرعىزۋ/ءتۇسىرۋ جۇزەگە اسىرىلادى.

بيلەتتەر قۇنى مەملەكەتارالىق تاريف بويىنشا بەلگىلەنگەن. باعالاردى www.bءىlet.railways.kz. سايتىنان ناقتىلاۋعا بولادى. جولاۋشىلار پويىزدارىنىڭ ءجۇرۋ ءتارتىبى تۋرالى انىقتامالىق اقپاراتتى «1433» ءنومىرى بويىنشا الۋعا بولادى.