ءتاريفتى كوتەرۋ ماسەلەسى جۇمىسشىلاردىڭ جالاقىسى مەن قوردالانعان پروبلەمالارى شەشۋ قاجەتتىلىگىنەن تۋىنداپ وتىر. قازىرگى باعا ساپالى ەنەرگيامەن قامتاماسىز ەتۋگە مۇمكىندىك بەرمەيدى.
جاڭا باعا ينفلياسيا دەڭگەيىنەن جوعارى بولماۋى ءتيىس. ياعني، 8 پايىزدان اسپايدى، دەپ حابارلايدى Almaty-akshamy.kz.
اۋىل-ايماقتاعى ستانسيالاردىڭ كوبى وتكەن عاسىردىڭ 60-70-جىلدارى سالىنعان. سونداي-اق ەلەكتر ەنەرگياسىن وندىرۋگە اسەر ەتەتىن شىعىندار كوبەيىپ كەلەدى. ال الداعى ۋاقىتتا ەلەكتر ەنەرگياسىنىڭ تاپشىلىعى دا تۋىنداۋى مۇمكىن.
«1 شىلدەدەن باستاپ 26 ەنەرگيا ءوندىرۋشى ۇيىمدا شەكتى تاريفتەر ورتا ەسەپپەن 4-12%-عا ۇلعايدى. ال الداعى جىلدىڭ جىلىتۋ ماۋسىمىندا 1-1،5 ملرد كيلوۆاتقا دەيىنگى ەلەكتر ەنەرگياسىنىڭ تاپشىلىعى بولۋى مۇمكىن. ەگەر مۇنداي ماسەلە تۋىنداسا، ەلەكتر ەنەرگياسىن كورشى ەلدەردەن الۋعا ءماجبۇر بولامىز»، - دەدى ق ر ەنەرگەتيكا ۆيسە-مينيسترى جاندوس نۇرماعانبەتوۆ.