ق ر دەنساۋلىق ساقتاۋ مينيسترلىگى پەرزەنتحانالاردا مەديسينالىق كومەكتىڭ ساپاسىن جاقسارتۋ ماقساتىندا بوساندىرۋ جانە نەوناتولوگيا سالاسىندا قىزمەتتەر كورسەتۋگە ارنالعان تاريفتەردى قايتا قارادى.
سونىمەن، 1 ماۋسىمنان باستاپ كەسار تىلىگىن قوسا العاندا، كۇردەلى بوسانۋعا ارنالعان تاريفتەر 60%-عا، ال جاڭا تۋعان نارەستەلەرگە كۇتىم جاساۋ - 35%-عا ۇلعايدى. بۇل مەديسينالىق قىزمەتتەردىڭ تىزبەسى مەن ساپاسىن كەڭەيتۋگە جانە بىلىكتى مامانداردى تارتۋعا مۇمكىندىك بەرەدى، دەپ حابارلايدى Almaty-akshamy.kz.
ق ر دسم مالىمەتىنشە، سوڭعى جىلدارى تاريفتەر مەديسينالىق ۇيىمداردىڭ بوساناتىن ايەلدەر مەن جاڭا تۋعان نارەستەلەرگە كۇتىم جاساۋعا بايلانىستى شىعىستارىن وتەمەدى. بوساندىرۋمەن اينالىساتىن مەديسينالىق ۇيىمداردى جەتكىلىكسىز قارجىلاندىرۋ ولاردىڭ سوڭعى بىرنەشە جىلدىڭ ىشىندە قالىپتاسقان كرەديتورلىق بەرەشەگىنىڭ نەگىزگى سەبەپتەرىنىڭ بىرىنە اينالدى.
تاريفتەردى قايتا ەسەپتەۋ كەزىندە مەديسينالىق مەكەمەلەردىڭ پاسيەنتتەرگە قىزمەت كورسەتۋ كەزىندە كوتەرەتىن ناقتى شىعىندارى ەسكەرىلدى. قابىلدانعان شارالار مەديسينالىق ۇيىمدارعا قارجىلىق تۇراقتىلىققا قول جەتكىزۋگە مۇمكىندىك بەرەدى، بۇل ءوز كەزەگىندە حالىق ءۇشىن مەديسينالىق كومەكتىڭ ساپاسى مەن قولجەتىمدىلىگىن جاقسارتادى. ال پەرزەنتحانالاردا بولۋ انا مەن بالا ءۇشىن ىڭعايلى ءارى ءقاۋىپسىز بولادى.
دەنساۋلىق ساقتاۋ مينيسترلىگى قازاقستانداعى ءاربىر وتباسى قولجەتىمدى جانە ساپالى مەديسينالىق كومەككە سەنە الاتىنداي دەنساۋلىق ساقتاۋ جۇيەسىن جەتىلدىرۋدى جالعاستىرادى. وسى ماقساتتا 2024 جىلعى 1 ماۋسىمنان باستاپ بالالار نيەۆرولوگياسى، بالالار اللەرگولوگياسى، ريەۆماتولوگيا بويىنشا مەديسينالىق كومەك كورسەتەتىن ۇيىمدار ءۇشىن تاريفتەردىڭ مولشەرى ۇلعايتىلدى.