ەلىمىزدە كۇن سۋىتادى

قازاقستان اۋماعىندا تۇراقسىز اۋا رايى ساقتالادى.

"قازگيدرومەت" رمك 2024 جىلدىڭ 30 ناۋرىزى مەن 1 ءساۋىرى ارالىعىنداعى اۋا رايى بولجامىن ۇسىندى، دەپ حابارلايدى Almaty-akshamy.kz

بولجامدا ەكاتەرينبۋرگ ۇستىندە ورنالاسقان اۋقىمدى سيكلون جانە ونىمەن بايلانىستى اتموسفەرالىق فرونتالدى ۋچاسكەلەر قازاقستاننىڭ بارلىق اۋماعىنا اسەر ەتۋدى جالعاستىرىپ جاتقانى اتاپ ءوتىلدى.

"ونىمەن بىرگە جاۋىن-شاشىن نەگىزىنەن جاڭبىر تۇرىندە ساقتالادى، 30 ناۋرىزدا اقمولا، پاۆلودار، قاراعاندى ​​وبلىستارىندا، 31 ناۋرىزدا شىعىس قازاقستان وبلىسىندا قاتتى جاۋىن-شاشىن بولادى"، - دەلىنگەن "قازگيدرومەت" رمك باسپا ءسوز قىزمەتى تاراتقان حابارلامادا."

سونداي-اق تولاسسىز جاۋعان جاڭبىر تۇركىستان، جامبىل، الماتى، جەتىسۋ وبلىستارىن دا اينالىپ وتپەيدى.

"رەسپۋبليكانىڭ باسىم بولىگىندە اۋا تەمپەراتۋراسى تۇندە 3-10 ايازعا دەيىن تومەندەيدى، كۇندىز 5-13 گرادۋسقا دەيىن كوتەرىلەدى دەپ كۇتىلۋدە. وڭتۇستىك جانە وڭتۇستىك-شىعىس وبلىستاردا تۇندە اۋا تەمپەراتۋراسى تومەندەيدى. 6 گرادۋس اياز – 2 گرادۋس اياز، كۇندىز 5-18 گرادۋسقا دەيىن كوتەرىلەدى." دەدى "قازگيدرومەت" رمك باسپا ءسوز قىزمەتى.

ەلىمىزدىڭ باتىسىندا عانا كۇن جىلى بولادى.