ق ر بالا قۇقىقتارى جونىندەگى ۋاكىل دينارا زاكييەۆا بالالارعا جاسالعان قىلمىستارعا بەرىلەتىن جازانى كۇشەيتۋدى، بالا قاۋىپسىزدىگى ءۇشىن جاۋاپكەرشىلىكتى ارتتىرۋدى ۇسىندى.
بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا جازدى، دەپ حابارلايدى Almaty-akshamy.kz.
«كۇن سايىن بالالارعا قارسى 6 قىلمىس، ال بالالار اراسىندا 5 قىلمىس جاسالادى. كۇنىنە 1-2 بالا وز-وزىنە قول جۇمسايدى نەمەسە جۇمساۋعا تىرىسادى. جىلىنا 100 بالا تەرەزەدەن نەمەسە اشىق جاتقان ليۋكتەرگە قۇلاپ كەتىپ جاتىر. سوندىقتان زاڭعا بالالارعا جاسالعان قىلمىستارعا بەرىلەتىن جازانى قاتاڭداتاتىن، بۇل نارسەلەردىڭ الدىن الاتىن جانە بالا قاۋىپسىزدىگىن قامتاماسىز ەتۋگە ارنالعان جاۋاپكەرشىلىكتى كۇشەيتەتىن تۇزەتۋلەردى ەنگىزۋ ءۇشىن جۇمىس ىستەيتىن بولامىز»، - دەپ جازدى د.زاكييەۆا Facebook جەلىسىندە.
سونىمەن قاتار دينارا زاكييەۆا وتباسىلارعا، ايەلدەرگە، بالالارعا ارنالعان مەملەكەتتىك ءبىرىڭعاي بايلانىس ورتالىعىن قۇرۋ دا ماڭىزدى ەكەنىن جەتكىزدى.
ايتا كەتەيىك، كەشە مەملەكەت باسشىسى بالا قۇقىقتارى جونىندەگى ۋاكىل دينارا زاكييەۆانى قابىلداعان بولاتىن
بالا قۇقىقتارى جونىندەگى ۋاكىل 152 اۋداندا وتباسىن قولداۋ ورتالىعىن اشۋدى ۇسىنىپ وتىر.